విజ‌య్ దేవర కొండ ప్లస్ ఎన్‌బికే

నందమూరి బాలకృష్ణ ఫుల్ మాస్, విజ‌య్ దేవరకొండ పక్కా యూత్, ఈ రెండూ కలిసి సినిమా అంటే ఇప్పట్లో అయ్యేది కాదు. కానీ మరో విధంగా కలిసే అవకాశం కనిపిస్తోంది.

విజ‌య్ దేవరకొండ- గౌతమ్ తిన్ననూరి సినిమా ఒకటి రెడీ అవుతోంది. వంద కోట్లకు పైగా బడ్జెట్ ఇప్పటికే ఖర్చు చేసారు. అందుకే సినిమాను రెండు భాగాలు చేస్తున్నారు. గౌతమ్ తిన్ననూరి కూడా తనదంటూ ఒక వరల్డ్ ను చూపించబోతున్నారు. ఈ సినిమా ఎప్పుడు వస్తుంది.. టీజ‌ర్ ఎప్పుడు అనే లెక్క ఇంకా తేలలేదు.

కానీ టీజ‌ర్ లో బాలయ్య వాయిస్ ఓవర్ వుంటే ఎలా వుంటుందని మేకర్లు భావిస్తున్నారట. ఈ మేరకు బాలయ్య కు చెప్పడం ఓకె అనడం జ‌రిగిందని తెలుస్తోంది. ఎలాగూ అదే బ్యానర్ లో బాలయ్య ఓ సినిమా చేస్తున్నారు. దానికి డాకూ మహరాజ్‌ అనే టైటిల్ కూడా వినిపిస్తోంది. అ సంగతి అలా వుంచితే విజ‌య్ దేవరకొండ సినిమా టీజ‌ర్ కు బాలయ్య వాయిస్ ఓవర్ అనేది కచ్చితంగా హైలైట్ గా వుంటుంది.

విజ‌య్ దేవరకొండ సినిమా 2025 సమ్మర్ లో విడుదల అవుతుంది. వీలయినంత త్వరలో టీజ‌ర్ ను టైటిల్ ఇవ్వాలని చూస్తున్నారు. అయితే అంతకన్నా ముందుగా బాలయ్య 109 సినిమా టీజ‌ర్, టైటిల్ వస్తోంది. దాని పబ్లిసిటీ మొదలుపెడుతున్నారు. ఎందుకంటే అ సినిమా సంక్రాంతి బరిలోకి దిగుతుంది కనుక.