అచ్చచ్చో… లిప్పు కిస్సు వేస్టయిపోయిందే!

యాక్షన్‌ హీరోగా కెరీర్‌ స్టార్ట్‌ చేసిన ‘పందెంకోడి’ విశాల్‌ రాన్రానూ మహా రొమాంటిక్‌ అయిపోతున్నాడు. వరుస ఫ్లాప్స్‌తో కొంతకాలం డీలా పడ్డ విశాల్‌కి మళ్లీ ఈమధ్యే కొంచెం జోష్‌ వచ్చింది. తన కొత్త సినిమా ఇంద్రుడులో విశాల్‌ వెరీ రొమాంటిక్‌గా కనిపించబోతున్నాడు. 

ఈ సినిమాలో విశాల్‌, లక్ష్మీమీనన్‌పై ఒక ఘాటైన లిప్‌ లాక్‌ సీన్‌ కూడా తీసారు. అయితే ఈ ముద్దు తెర మీదకి వచ్చే అవకాశాల్లేవని అంటున్నారు. ఈ లిప్‌ లాక్‌ వల్ల ఈ చిత్రానికి క్లీన్‌ యు సర్టిఫికెట్‌ ఇవ్వడానికి సెన్సార్‌ బోర్డు ససేమీరా అందట. తమిళనాడులో క్లీన్‌ యు సినిమాలకి ముప్పయ్‌ శాతం పన్ను మినహాయింపు ఉంటుంది. 

అది పోగొట్టుకుంటే ఈ ముద్దు ఆ ముప్పయ్‌ శాతం నష్టాన్ని రికవర్‌ చేస్తుందా లేదా అనే అనుమానం యూనిట్‌ని పీడిస్తోంది. ఎందుకొచ్చిన రిస్క్‌ అనుకుని ఈ సీన్‌ తీసేయడానికే మొగ్గు చూపుతున్నారని వినిపిస్తోంది. మరీ అవసరం అయితే ఈ లిప్‌ లాక్‌ని యూట్యూబ్‌లో లీక్‌ చేసి క్రేజ్‌ తెచ్చుకోవచ్చని అనుకుంటున్నారట. అన్నట్టు ఈ ముద్దు సీన్‌ స్టిల్‌ని కూడా విశాల్‌ స్నేహితుడు ట్విట్టర్‌లో లీక్‌ చేసాడు. గట్టి స్కెచ్చే అనిపిస్తోంది కదూ!