ఎన్టీఆర్ సాంగ్ మరోసారి రీమిక్స్

పాత పాటలను రీమిక్స్ చేయడం కొత్త కాదు. అందునా సినిమా వారసులు తమ తమ సీనియర్ల పాటలను తమ తమ సినిమాల్లో వాడుకోవడం కూడా కొత్త కాదు. అందుకే బాలయ్య బాబు ఈసారి తన పైసావసూల్ సినిమాలో అలనాటి సూపర్ హిట్ ‘ కొంటె చూపు చెబుతోంది..కొంటెనవ్వు చెబుతోంది’ పాటను రీమిక్స్ చేస్తారట.

వాస్తవానికి ఈపాట పల్లవి, ఈ పాట స్టయిల్ తీసుకుని గతంలో వైవిఎస్ చౌదరి, నందమూరి హీరో హరికృష్ణ-హీరోయిన్ సిమ్రాన్ లపై ఓ చిత్రంలో చిత్రీకరించారు. ఇప్పుడు ఇదే పాటను పూరి తన పైసా వసూల్ సినిమాలో హీరో బాలకృష్ణ పై చిత్రీకరించబోతున్నారన్నమాట.

మామూలుగా మంచి పాత పాటలను తీసుకుని రీమిక్స్ చేసేటపుడు చాలా జాగ్రత్తలు తీసుకుంటారు. ఒరిజినాలిటీ, దాని గొప్పదనం చెడకుండా చూసుకుంటారు. కానీ పూరి జగన్నాధ్ వ్యవహారం వేరు. ఎవరు ఏవనుకుంటేనేం అనే టైపు. మరి ఆ పాటను ఆయన ఏం చేస్తారో?