మెగా ప్లానింగ్ మారుతోందా..?

ఇకపై ప్రతి సంక్రాంతికి తన నుంచి ఓ సినిమా వస్తుందని గతంలోనే ఎనౌన్స్ చేశారు చిరంజీవి. ఖైదీ నంబర్ 150 సినిమాను ఈ ఏడాది సంక్రాంతి కానుకగా విడుదల చేసిన చిరు, వచ్చే ఏడాది సంక్రాంతికి కూడా ఓ సినిమాతో రెడీ అవుతారని అంతా నమ్మకంతో ఉన్నారు. కానీ ప్రస్తుతం ఓకే చేసిన సినిమా సంక్రాంతికి రెడీ అవుతుందా అనేది అందర్లో డౌట్.

సురేందర్ రెడ్డి దర్శకత్వంలో ఉయ్యాలవాడ నరసింహారెడ్డి ప్రాజెక్టును సెట్స్ పైకి తీసుకొచ్చేందుకు రెడీ అవుతున్నారు చిరంజీవి. బర్త్ డే సందర్భంగా ఆగస్ట్ 22న ఈ సినిమా ప్రారంభమౌతుంది. సెప్టెంబర్ నుంచి రెగ్యులర్ షూటింగ్ మొదలుపెడతారు. స్వతంత్ర ఉద్యమ కాలం నాటి కథతో రాబోతున్న ఈ సినిమా రెడీ అవ్వడానికి చాలా టైం పడుతుంది. సెప్టెంబర్ లో మొదలుపెడితే జనవరికి థియేటర్లలోకి తీసుకురావడం కష్టమే.

అందుకే ఈ గ్యాప్ లో మరో మూవీ చేసే ఆలోచనలో ఉన్నారట చిరంజీవి. చిరంజీవి డ్రీమ్ ప్రాజెక్టుల్లో ఒకటి ఉయ్యాలవాడ సినిమా. ఈ సినిమాను హడావుడిగా చుట్టేయడం చిరుకు ఇష్టంలేదు. ఇప్పటికే ఎంతో టైం తీసుకున్నారు. అవసరమైతే ఇంకాస్త టైం తీసుకోవాలని అనుకుంటున్నారు.

సో.. ఉయ్యాలవాడ నరసింహారెడ్డి సినిమా కాకుండా, సంక్రాంతికి మరో సినిమా రెడీ చేసే ఆలోచనలో ఉన్నారట చిరంజీవి. ఒకవేళ మరో ఆలోచన లేకుండా ఉయ్యాలవాడ ప్రాజెక్టుకే ఫిక్స్ అయిపోతే, ఈ సంక్రాంతికి చిరంజీవి నుంచి సినిమా రావడం కాస్త కష్టమే.