‘శృతి’ చేస్తున్నట్లా? లేదా?

పాపం మహేష్ బాబు సినిమాలకు ఏమిటో ఈ సమస్య. సినిమా ఆరంభం కాగానే ఓ క్యారెక్టర్ కు ఏక్టర్ మాయమైపోవడం. మొన్నటికిమొన్న ఆగడు సినిమాకు ప్రకాష్ రాజ్ తో సమస్య.  అది అయిపోయింది. ఇప్పుడు శృతి హాసన్ తో సమస్య. 

కొరటాల శివ సినిమాకు మహేష్ తో శృతి హాసన్ జోడీ కడుతున్న సంగతి తెలిసిందే. ఇప్పుడు ఇంతకీ ఆ సినిమా శృతి చేస్తోందా లేదా అన్నదే లేటెస్ట్ టాపిక్. మొన్నటి వరకు శృతి ట్రబులిస్తోంది అనుకున్నారు. ఇప్పుడు ఏకంగా తప్పుకుందనొ, తప్పించారనో అంటున్నారు. 

అసులు సంగతి ఏమిటంటే, శృతికి తమిళనాట విజయ్ తో ఆఫర్ వచ్చింది. ఇప్పుడు తమిళనాట విజయ్ సూపర్ స్టార్. అలాంటి ఆఫర్ అక్కడ వదులుకునే రేంజ్ లో ఏ హీరోయిన్ లేదు. అందుకే శృతి కూడా ఇక్కడ మహేష్ సినిమా డేట్లు కొన్ని కత్తిరించి అక్కడ ఇచ్చిందని వినికిడి. 

ఇక్కడా అక్కడా రెండు పడవల మీద కాళ్లు వేద్దానుకుంటే, విసిగి ఇక్కడ తప్పించారని. మరి ఇప్పుడు ఇంకెవరు మహేష్ కు జోడీ అంటే…సమంతానే అంటున్నారు.. నిజమేనేమో?