తమన్నాతో కృష్ణవంశీ సినిమా?

సరైన హిట్ లేక కిందా మీదా పడి, ఆఖరికి గోవిందుడు సినిమాతో జస్ట్ ఓకె అనిపించుకున్న దర్శకుడు కృష్ణవంశీ. దాని క్రెడిట్ ను పెట్టుబడిగా పెట్టి మళ్లీ లైన్ లో పడదామని తెగ ప్రయత్నిస్తున్నాడు. ఎన్టీఆర్ కు కథ చెప్పాడు కానీ ఓకె కాలేదు. అందుకే ఇప్పుడు మళ్లీ చందమామ మాదిరిగా ఓ చిన్న సినిమా చేయాలనుకుంటున్నాడట. 

కృష్ణవంశీ సినిమాలంటే హీరొయిన్లకు కాస్త ప్రాధాన్యత వుంటుంది. అందుకే ఈ సారి హీరోయిన్ గా తమన్నాను ఎంచుకున్నాడని వినికిడి. తెలుగులో పెద్దగా అవకాశాలు లేవు. హీరోలందరినీ ఓ రౌండ్ వేసేసింది. అందుకే కృష్ణ వంశీ సినిమాకు తమన్నా ఓకె చెప్పేసినట్లు తెలుస్తోంది. 

కృష్ణవంశీ అంటే అభిమానించే ప్రకాష్ రాజ్, దిల్ రాజు కలిపి  సంయుక్తం ఈ చిన్న సినిమాను నిర్మిస్తారట.