ప్రభాస్ లుక్ లీక్.. షాకింగ్ లో కన్నప్ప

కన్నప్ప సినిమాకు సంబంధించి చాలా ప్రచారం నడుస్తోంది. కానీ అది పెద్దగా జనాలకు చేరడం లేదు. ఇప్పటికే ఎన్నో ఫస్ట్ లుక్స్ రిలీజయ్యాయి. తాజాగా మంచు విష్ణు, మోహన్ బాబు కలిసి కొన్ని తీర్థయాత్రలు కూడా చేశారు. కానీ వేటికీ పెద్దగా ఎటెన్షన్ రాలేదు.

ప్రచారానికి సంబంధించి కన్నప్ప యూనిట్ దగ్గర ఉన్న ఒకే ఒక్క ఆయుధం ‘ప్రభాస్’. ఈ సినిమాలో ప్రభాస్ ఓ కీలక పాత్ర పోషించాడు. ఆ లుక్ ఇంకా రిలీజ్ చేయలేదు. రేపోమాపో అనుకుంటున్నారు. అంతలోనే అది కాస్తా లీక్ అయింది. దీంతో యూనిట్ షాక్ అయింది.

అవును.. కన్నప్ప సినిమా నుంచి ప్రభాస్ లుక్ లీక్ చేశారు కొంతమంది. ఇలా లీక్ అయిన వెంటనే యూనిట్ అప్రమత్తమైంది. వెంటనే పోలీసు కేసు పెట్టింది. అంతేకాదు, లీక్ చేసింది ఎవరో చెబితే 5 లక్షల నగదు బహుమతి కూడా ఇస్తామని ప్రకటించింది.

“కీలకమైన సమయంలో కన్నప్ప సినిమా నుంచి ఇంకా వర్కింగ్ లో ఉన్న ఇమేజ్ లీక్ అయింది. ఈ లీక్ మా కష్టాన్ని మాత్రమే కాకుండా, 2వేల మంది వీఎఫ్ఎక్స్ కళాకారుల జీవితాల్ని ప్రభావితం చేస్తుంది. లీక్ అయిన ఇమేజ్ ను ఎవ్వరూ షేర్ చేయొద్దు. అలా చేస్తే పోలీసు కేసులు పెడతాం. లీక్ చేసిన వ్యక్తిని కనుగొన్నవారికి 5 లక్షల రూపాయలు బహుమానంగా ఇస్తున్నాం”

ఇలా తమ బాధను వ్యక్తం చేస్తూనే, లీక్ చేసిన వ్యక్తిని పట్టిస్తే నగదు బహుమతి ఇస్తామంటూ ప్రకటించింది కన్నప్ప యూనిట్. ప్రభాస్ లుక్, అతడి పాత్ర చాలా ప్రత్యేకంగా ఉంటుందని, ఓ మంచి టైమ్ చూసి అతడి ఫస్ట్ లుక్ రిలీజ్ చేస్తామని మంచు విష్ణు గతంలోనే ప్రకటించాడు. కానీ అంతలోనే అది కాస్తా లీకైంది.