ఫంకీగా మారిన హీరో

వరుసపెట్టి సినిమాలు లాంచ్ చేస్తున్న విశ్వక్ సేన్, మరో సినిమా స్టార్ట్ చేశాడు. ఈ సినిమా పేరు ఫంకీ. అనుదీప్ కేవీ ఈ సినిమాకు దర్శకుడు.

దర్శకుడు నాగ్ అశ్విన్ క్లాప్ తో ఈరోజు ఈ సినిమా అధికారికంగా లాంచ్ అయింది. సితార ఎంటర్ టైన్ మెంట్స్, ఫార్చ్యూన్ ఫోర్ సినిమాస్ బ్యానర్లపై రాబోతున్న ఈ సినిమాను పక్కా ఫ్యామిలీ ఎంటర్ టైనర్ గా చెబుతున్నాడు దర్శకుడు.

సినిమా ప్రారంభించిన రోజునే టైటిల్ కూడా ప్రకటించి ఆసక్తి రేకెత్తించారు మేకర్స్. సంక్రాంతి తర్వాత ఈ సినిమా రెగ్యులర్ షూటింగ్ ఉంటుంది. భీమ్స్ ఈ సినిమాకు సంగీతం అందిస్తున్నాడు.

రీసెంట్ గా మెకానిక్ రాకీ రిలీజ్ చేశాడు విశ్వక్ సేన్. చేతిలో లైలా ఉంది. 3 నెలల కిందటే సుధాకర్ చెరుకూరి నిర్మాతగా శ్రీధర్ గంటా దర్శకత్వంలో సినిమా స్టార్ట్ చేశాడు. ఇప్పుడు ఫంకీకి కూడా డేట్స్ ఎడ్జెస్ట్ చేయబోతున్నాడు. లిస్ట్ లో సాగర్ చంద్ర సినిమా కూడా ఉంది.