cloudfront

Advertisement

Advertisement


Home > Movies - Press Releases

’పుడింగి నెంబర్‌ 1’,,, సంపూర్ణేష్‌బాబు..

’పుడింగి నెంబర్‌ 1’,,, సంపూర్ణేష్‌బాబు..

బర్నింగ్‌స్టార్‌ సంపూర్ణేష్‌బాబు హీరోగా నటిస్తున్నతాజా చిత్రానికి ‘పుడింగి నెంబర్‌ 1’ అని టైటిల్  కన్ఫర్మ్‌ చేశారు. ఈ సినిమాతో మీరావలి దర్శకుడిగా పరిచయం అవుతుండ‌గా విద్యుత్‌లేఖరామన్, సాఫీ కౌర్‌ హీరోయిన్లుగా నటిస్తున్నారు. ఈ సినిమా ముహూర్త‌పు స‌న్నివేశాని‌కి నిర్మాత కేఎస్‌ రామారావు క్లాప్ కొట్ట‌గా, దర్శకుడు భీమనేని శ్రీనివాసరావు కెమెరా స్విఛాన్ చేశారు.

ఈ సందర్భంగా సినిమా దర్శకుడు మీరావలి మాట్లాడుతూ –‘‘  ఏం టైటిల్‌ పెట్టాలా? అనుకున్నాం. ఫైనల్‌గా ‘పుడింగి నెం 1’  అనే టైటిల్ కన్‌ఫ‌ర్మ్ చేశాం. పుడింగి నెంబర్ 1 గా నేను సంపూర్ణేష్‌బాబును ఫీలయ్యాను. సంపూ–బుజ్జమ్మ (విద్యత్‌లేఖరామ్మన్‌) కాంబినేషన్‌ అదిరిపోతుంది. మరొక హీరోయిన్‌గా సాఫీకౌర్‌ను అనుకున్నాం అన్నారు.

చిత్ర నిర్మాతలు  కె. శ్రీ‌నివాస రావు, కె. సుధీర్ కుమార్ మాట్లాడుతూ -`` పుడింగి టైటిల్‌లోనే ఫన్నీనెస్‌ ఉంది. కథ విన్నప్పుడు చాలా హ్యాపీ ఫీలయ్యాం. డైరెక్టర్‌ మంచి నటీనటులను ఎంచుకున్నారు. మా సినిమాలో నటించడానికి ఒప్పుకున్న పోసాని, అజయ్‌ఘోష్‌లకు ధన్యవాదాలు. జూలైలో సినిమాను విడుదల చేయాలనుకుంటున్నాము.`` అన్నారు. 

హీరోయిన్‌ విద్యుత్‌లేఖ రామన్‌ మాట్లాడుతూ – ‘‘ చాలా హ్యాపీగా ఉంది. ఇది ఓ మంచి ఫ్యామిలీ ఎంటర్‌టైనర్‌. ఒక తమిళ అమ్మాయిని అయినప్పటికీని నన్ను అదరిస్తున్న తెలుగు ప్రేక్షకులకు ధన్యవాదాలు. `` అన్నారు. 

సంపూర్ణేష్‌బాబు మాట్లాడుతూ –‘‘ డైరెక్టర్ మీరాలో మంచి కసి ఉంది. నాలాంటి ఒక చిన్న నటుడిని ఆశీర్వదించడానికి వచ్చిన నిర్మాత కేఎస్‌రామారావుకి, దర్శకులు భీమనేని శ్రీనివాస రావుకి ధన్యవాదాలు’’ అన్నారు.

కమల్ తో కలిసి నటించాలని వుంది

సాయం చేయడం నా తల్లి నుంచే నేర్చుకున్నా

 


×