Epaper
నాని హీరోగా, నిర్మాతగా వస్తున్న సినిమా హిట్ 3. ఈ సినిమా నాన్ థియేటర్ బిజినెస్ అద్భుతంగా జరిగిన సంగతి ఇప్పటికే గ్రేట్ ఆంధ్రలో వెల్లడించాం. మరో వారంలో రాబోతున్న ఈ సినిమా థియేటర్ బిజినెస్ కూడా పూర్తయింది. సిరీస్ క్రేజ్ తోడు కావడంతో సినిమాకు మంచి బిజినెస్ జరిగింది.
ఏపీ మొత్తం 15 కోట్ల మేరకు విక్రయించేసారు. సీడెడ్ ను 5.40 కోట్ల మేరకు విక్రయించారు. నైజాం ఎలాగూ పది కోట్లకు కాస్త అటుగానే వుంటుంది. ఓవర్ సీస్ అంతా చాలా కాలం క్రితమే మంచి రేటుకు సింగిల్ పాయింట్ లో ఇచ్చేసారు.
మొత్తం మీద దాదాపు 40 కోట్ల మేరకు వరల్డ్ వైడ్ గా థియేటర్ బిజినెస్ జరిగింది. ఇంకా పాన్ ఇండియా భాషల రైట్స్ వుండనే వున్నాయి. సినిమాను పాన్ ఇండియా సినిమాగా విడుదల చేస్తున్నారు. ప్రమోట్ చేస్తున్నారు. యూనివర్సల్ జానర్ కనుక సినిమా కనుక క్లిక్ అయితే మంచి లాభాలు వచ్చే అవకాశం వుంది.
పైగా టాలీవుడ్ కూడా ఇప్పుడు ఓ సరైన హిట్ కోసం నాలుగు నెలలుగా ఎదురుచూస్తోంది. హిట్ 3 కనుక బ్లాక్ బస్టర్ అయితే టాలీవుడ్ ఊపిరి పీల్చుకుంటుంది. ప్రతి మూడు నెలలకు ఓ బ్లాక్ బస్టర్ పడితే చాలు.. ఎగ్జిబిటర్లు హ్యాపీగా వుంటారు.
I was wondering why rajni Kant pic in hit 3 news
తల్లిని, చెల్లిని అగౌరవపరిచిన నేతకు గౌరవం ఎక్కడ? గ్రామాల నుంచి జగన్‌కు ఘోర తిరస్కారం!
ఒకప్పుడు “మామయ్య” అంటూ ప్రేమగా పిలిచిన మహిళలు, ఇప్పుడు జగన్ మోహన్ రెడ్డి పేరు వినగానే జాల్రాలు వేస్తున్నారు. ఇంట్లో ఒకరిలా కనిపించిన వ్యక్తి, ఆ ఇంటినే నాశనం చేసాడన్న భావన ఇప్పుడు గ్రామాల్లో బలంగా నెలకొంది. తన తల్లిని కోర్టుకు లాగిన వాడిని మన నాయకుడిగా ఎలా అంగీకరిస్తాం అని ఆడవాళ్లు గళమెత్తుతున్నారు. కుటుంబానికి గౌరవం లేని వాడికి ప్రజలకు ఏమాత్రం గౌరవం ఉంటుంది?
గ్రామాల్లో ఇది ఏకవాక్యం: “మనం మోసపోయాం… ఇక మళ్లీ కాదు!” జగన్ వేసిన నాటకాలన్నీ బహిరంగమయ్యాయి. సంక్షేమం పేరుతో ఓట్లు గెలవడం మాత్రమే ఆయన లక్ష్యమని ప్రజలు ఎట్టకేలకు గుర్తించారు. అల్లరి మాటలతో ఆకర్షించిన రోజులే గడిచిపోయాయి. ఇప్పుడు ప్రజలు విషయాన్ని తలచుకొని మాడిపోతున్నారు.
తల్లిని తక్కువ చేస్తే మనిషికి మానవత్వమే లేదని చెప్పే తెలుగు సంస్కృతిని తునాతునకలు చేసిన జగన్ పట్ల ఇప్పుడు గ్రామాల మన్ననే కాదు, మనస్సు కూడా పూర్తిగా తిరస్కరించింది. “ఎవడైనా గెలవాలి కానీ… ఇలాంటోడు కాదు” అన్న మాటలు ఆ వృద్ధుల నోటి నుంచి కూడా వినిపిస్తున్నాయి. ఒక్క కుటుంబం నడిపించలేని వాడిని రాష్ట్రం నడిపించడానికి ఎలా నమ్ముతాం?
పార్టీ నాయకత్వంలో విభేదాలు, క్యాడర్‌కి గల వైముఖ్యాన్ని వేరే కోణంగా చూడాల్సిన అవసరం లేదు. అది జగన్ పట్ల ప్రజల్లోని అసహనం ప్రతిబింబమే. ఇప్పటికే 40 శాతం పైగా పార్టీ శ్రేణులు పార్టీని విడిచి వెళ్లిపోవడం యాదృచ్ఛికం కాదు. అది ప్రజలు తీర్పునిచ్చిన తర్వాత జరుగుతున్న సహజ పరిణామం.
ఇప్పటికి గ్రామాల్లో ప్రజలు చెప్పేది ఒక్కటే—తల్లిని అగౌరవపరిచిన, చెల్లిని అపహాస్యం చేసిన వాడికి ఓటు వేయడమంటే… మా తల్లులను, చెల్లెల్లను అవమానపరచినట్టు అవుతుంది. ఇది రాజకీయ తిరస్కారం కాదు… ఇది నైతిక తిరుగుబాటు. జగన్ మళ్ళీ వచ్చిన రాస్తా కాదు… ఇదే చివరి దారి!