Epaper
అఖిల్ అక్కినేని-పూజ హెగ్డే..కాంబినేషన్ లో తయారవుతున్న సినిమా బ్యాచులర్. బొమ్మరిల్లు భాస్కర్ దర్ళకుడు. బన్నీ వాస్ నిర్మాత. ఈ సినిమా నుంచి మరో పాట వస్తోంది.
లెహరాయి..లెహరాయి అంటూ సాగే ఈ పాటను సిద్ శ్రీరామ్ ఆలపించారు. అది మాత్రమే విశేషం కాదు ఈ పాట టీజర్ లో పూజా హెగ్డే చూపించిన రొమాన్స్ అన్నదే అసలైన విశేషం.
తన అందాలతో, కదలికలతో, కంటి చూపులతో ఇప్పటికే విశేషమైన క్రేజ్ తెచ్చుకున్న పూజా ఈ టీజర్ లో ఒలికించిన హొయలు మామూలుగా లేవు. టీజర్ లోనే ఇలా వుంటే ఇక పాట వస్తే, అది కూడా విడియో సాంగ్ వస్తే ఇంకెలా వుంటుందో? ఈ నెల 15న ఈ పాటను విడుదల చేస్తారు. సినిమా దసరా కు విడుదలవుతుంది.
పూజా హెగ్డే ఇప్పుడు టాలీవుడ్ లో టాప్ లీగ్ లో వుంది. మూడు కోట్ల వరకు రెమ్యూనిరేషన్ డిమాండ్ చేసే స్టేజ్ కు చేరుకుంది. మహేష్ బాబు, పవన్, ప్రభాస్, ఇలా టాప్ హీరోలు అందరితో సినిమాలు నిర్మాణంలో వున్నాయి.