రంగ్ దే…హరివిల్లు

రంగ్ దే టైటిల్ లోనే వుంది. హరివిల్లు మాదిరిగా సకల వర్ణ సంచయం అన్నట్లుగానే వుంది విడుదలయిన ట్రయిలర్. 

ఫన్ తో ప్రారంభమై, రొమాంటిక్ యాంగిల్ ను టచ్ చేసి, భావోద్వేగాలను మేళవిస్తూ ట్రయిలర్ ను కట్ చేసారు. దర్శకుడు వెంకీ అట్లూరి సినిమాను పక్కా యూత్ టేస్ట్ లతో మేళవించినట్లు కనిపిస్తోంది. 

ఇప్పటికే పాటలు బయటకు రావడంతో ట్రయిలర్ లో వాటిని పక్కన పెట్టారు. కానీ అదే సమయంలో ఈ మధ్య చాలా మంది చేస్తున్నట్లు సినిమా కథనం ఏ ఆర్డర్ లో వుండబోతోందో ముందే చెప్పేసారు.  కథ గురించి అనసరపు జంఝాటాలు లేకుండా ఎక్కడ మొదలై ఎక్కడకు చేరుకుంటుందో క్లారిటీ గా చెప్పేసారు.

నితిన్..కీర్తి, వెన్నెల కిషోర్, ఇలా చాలా గట్టి స్టార్ కాస్ట్ తో ప్యాక్డ్ గా కనిపించింది. భీష్మ తరువాత నితిన్ అదే సితార బ్యానర్ లో చేస్తున్న సినిమా. దర్శకుడు వెంకీ అట్లూరి చేస్తున్న మూడో సినిమా. ఈ నెల 26న థియేటర్లలోకి రాబోతోంది.