Epaper
సినీ ప్రేక్షకులు ఎంతో ఆసక్తితో ఎదురు చూసిన 'బాహుబలి' థియేటర్లలోకి వచ్చేసింది. సినిమా విజువల్‌ వండర్‌ అనే టాక్‌ సంపాదించుకుంది. వారం రోజులకు సరిపడా టిక్కెట్లు దాదాపు అన్ని థియేటర్లలోనూ సినిమా విడుదలకు రెండ్రోజుల ముందే అమ్ముడుపోయాయి. అంటే తొలి వారం వసూళ్ళు దాదాపు ఇంత అని ఓ క్లారిటీకి వచ్చేయొచ్చు.
తొలి వారం సంగతి పక్కన పెడితే, ఫస్ట్‌ డే 'బాహుబలి' ఎంత కలెక్ట్‌ చేసింది.? అన్న విషయమై టాలీవుడ్‌ సర్కిల్స్‌లో ఆసక్తికరమైన చర్చ జరుగుతోంది. ఇప్పటిదాకా టాలీవుడ్‌లో వున్న ఫస్ట్‌ డే రికార్డుల్ని 'బాహుబలి' బీట్‌ చేసేసిందన్న ప్రచారం జరుగుతోంది. సుమారు 4 వేల థియేటర్లలో సినిమా విడుదల కావడం, విడుదలకు ముందు సినిమాపై బీభత్సమైన హైప్‌ క్రియేట్‌ అవడంతో ఫస్ట్‌ డే వసూళ్ళ విషయంలో 'బాహుబలి' దుమ్మురేపేసే వుండాలి.
ఇక, పబ్లిసిటీ విషయంలో ఎలాగూ బీభత్సమైన ప్లానింగ్‌తో చిత్ర దర్శక నిర్మాతలు, నటీనటులు వున్న దరిమిలా.. తొలి వారం వసూళ్ళు సైతం భారీగానే వుండబోతున్నాయి. టాక్‌ ఎలా వున్నా, సినిమాని ఖచ్చితంగా చూడాల్సినంత విజువల్‌ ఫీస్ట్‌ ప్రేక్షకుల కోసం ఎదురుచూస్తోన్న దరిమిలా, 'బాహుబలి' ముందు ముందు ఓ రేంజ్‌లో సందడి చేయనుందని చెప్పొచ్చు.
అయితే, అలా వుండొచ్చు.. ఇలా వుండొచ్చు.. అన్నవి ప్రస్తుతానికి ఊహాగానాలే. తొలి రోజు వసూళ్ళ లెక్క తేలితే, వారాంతం ముగిస్తే.. అప్పుడు 'బాహుబలి'పై ఓ క్లారిటీ వస్తుంది. చూద్దాం.. 'బాహుబలి' సత్తా ఎంతో.!