గీతా ఆర్ట్స్ నా మజాకానా?

గీతా ఆర్ట్స్..అల్లు అరవింద్ అంటే ఓ లెక్క వుంటుంది..ఓ జాగ్రత్త వుంటుంది. వాళ్ల దగ్గర స్క్రిప్ట్ ఓకె చేయించుకోవడం, సెట్ మీదకు సినిమాను తీసుకెళ్లడం అంటే అంత వీజీ కాదు. ఇది ఇప్పుడు ఈటీవీ ప్రభాకర్ కు బాగా తెలిసి వచ్చిందని వినికిడి. 

గీతా ఆర్ట్స్, బన్నీ వాసు కలిసి, ఓ కొత్త బ్యానర్ పెట్టి, విరివిగా చిన్న సినిమాలు ప్లాన్ చేసిన సంగతి తెలిసిందే. ఈ బ్యానర్ కోసం ప్రభాకర్ ఓ లైన్ చెప్పాడు..లైన్ బాగుంది స్టోరీ చేయమన్నారు. తీరా చేసాక..అబ్బే..పనికిరాదన్నారని తెలిసింది. 

ఇలాకాదు..అలా..అని అలా కాదు..ఇలా అన్న తరువాత, సరే లైన్ మీదే కానీ, స్క్రిప్ట్ వర్క్ వేరే చేయిద్దాం అంటూ హృదయకాలేయం, డైరక్టర్ సాయి రాజేష్ కు అప్పచెప్పారు. అది ఓ లెవెల్ కువచ్చాక మళ్లీ వీటో. దాంతో ఇప్పుడు ప్రభాకర్ కొత్త లైన్..రాజేష్ కొత్త స్క్రిప్ట్ తయారు చేసే పనిలో పడ్డారని వినికిడి.