Epaper
బొమ్మరిల్లు భాస్కర్ డైరక్షన్ లో అఖిల్ హీరోగా చేయబోయే సినిమాకు అంతా రెడీ అయింది. కాస్టింగ్ ఫిక్స్ అయింది. 26 నుంచి షెడ్యూలు వేసారు. కానీ ఇప్పటికీ తేలనివి రెండే విషయాలు. ఒకటి టైటిల్. రెండవది హీరోయిన్. అఖిల్ సరసన హీరోయిన్ ను ఫిక్స్ చేయడం అంత వీజీ కాదు. అఖిల్ అన్ని సినిమాల విషయంలో కూడా హీరోయిన్ ఫిక్స్ చేయడం కాస్త ఆలస్యమే అయింది.
కొత్త అమ్మాయిలను చూస్తున్నారు. ఆడిషన్లు చేస్తున్నారు. అదే టైమ్ లో ఇప్పుడు ఇండస్ట్రీలో కాస్త లైమ్ లైట్ లో వున్నవారినీ పరిశీలిస్తున్నారు. ఇప్పడిప్పుడే వచ్చిన, వస్తున్న అమ్మాయిల దగ్గర నుంచి కాస్త పాపులర్ యంగ్ హీరోయిన్ల పేర్లు అన్నీ పరిశీలనలో వున్నాయి అని వినిపిస్తోంది. తొలిషెడ్యూలులో హీరోయిన్ అవసరం లేదు. అందువల్ల సమస్య ఏమీలేదు.
ఈ కార్యక్రమంలో భాగంగా నిర్మాణ వ్యవహారాలు చూస్తున్న బన్నీవాస్ ఓ షార్ట్ లిస్ట్ ను తయారుచేసే పనిలో వున్నారు. అది రెడీ అయితే, అఖిల్ తో డిస్కషన్లు షురూ అయి, విషయం ఫైనల్ అవుతుంది. ఈ సినిమాను వీలయినంత త్వరగా రెడీ చేసి, ఈ ఏడాదిలోనే విడుదల చేయాలన్నది సంకల్పం.