Epaper
ఇది వరకూ నాగార్జున సినిమాలు తమిళంలోకి అనువాదం అయ్యాయి. నాగ్ ఒకటీ రెండు సినిమాలు తమిళంలో కూడా చేసి వచ్చాడు. అయితే కోలీవుడ్ ను మరీ ఎక్కువగా పట్టించుకోలేదు. కానీ నాగార్జున చేసిన చాలా సినిమాలు సైలెంట్ గానే డబ్ అయ్యాయి. నాగ్ సంగతలా ఉంటే.. ఇప్పుడు వాళ్లబ్బాయి చైతూ కూడా తమిళ ప్రేక్షకులను పలకరించడానికి సిద్ధం అవుతున్నాడు.
ఇతడి తర్వాతి సినిమా తమిళంలో గ్రాండ్ గా విడుదల కాబోతోంది.' కార్తికేయ' దర్శకుడు కార్తీక్ మొండేటి దర్శకత్వంలో నాగచైతన్య ఒక సినిమా చేయబోతున్నాడు. హిట్ సినిమాను రూపొందించి సబ్జెక్టులంటే ఈ హీరోకైనా నచ్చుతాయి కదా.. దీంతో చైతూ కూడా కార్తీక్ కు ఓకే చెప్పేశాడు. ప్రస్తుతం చేతిలో ఉన్న సినిమా పూర్తి కాగానే చైతూ కార్తిక్ సినిమాను స్టార్ట్ చేసే అవకాశాలున్నాయి. విశేషం ఏమిటంటే ఆ సినిమా తెలుగు , తమిళ భాషల్లో ఒకేసారి రూపొందనుంది.
ఇది పూర్తిగా దర్శకుడి ఇంట్రస్టేనని తెలుస్తోంది. చైతూకు తమిళ ఇండస్ట్రీ మీద ప్రత్యేక ఆసక్తి ఏమీ లేకపోయినా.. దర్శకుడు మాత్రం సినిమాతో తమిళులను కూడా టచ్ చేయాలనుకొంటున్నాడు. ఇది వరకూ ఈ దర్శకుడి 'కార్తికేయ' కూడా తమిళంలో కి డబ్ అయ్యింది. దీంతో చైతూ సినిమాను కూడా అరవ తంబీలకు చూపిద్దామని భావిస్తున్నాడు ఈ దర్శకుడు. మరి ఈ సినిమా తమిళంలోకి వెళ్లి అక్కడ హిట్ అయినా.. ఫట్ అయినా.. చైతూ తమిళంపై పూర్తి స్థాయి లో దృష్టి సారించకపోవచ్చు.