‘సితార’లో ఎన్టీఆర్ సినిమా

హారిక హాసిని సిస్టర్ కన్సెర్న్ గా స్టార్ట్ అయింది సితార ఎంటర్ టైన్ మెంట్స్. ఇప్పుడు అదే లీడ్ బ్యానర్ గా, మెయిన్ బ్యానర్ గా మారిపోయింది. ఏడాదికి నాలుగైదు సినిమాలు వస్తున్నాయి ఆ బ్యానర్ నుంచి. అంతే కాదు పవన్ భీమ్లా నాయక్ అదే బ్యానర్ లో వచ్చింది. బాలయ్య, విజయ్ దేవరకొండ, రవితేజ ల సినిమాలు రాబోతున్నాయి. ఇప్పుడు వాటన్నింటిని మించి ఓ పాన్ ఇండియా సినిమా రాబోతోంది.

ఎన్టీఆర్- నీల్సన్ సినిమాను సితార బ్యానర్ నిర్మించబోతోంది. తమిళంలో తీసినవి నాలుగే సినిమాలు అయినా ఎక్కువ పేరే తెచ్చుకున్నాడు దర్శకుడు నీల్సన్. ముఖ్యంగా విజయ్ బీస్ట్, రజనీ జైలర్ సినిమాలతో టాప్ లైన్ లోకి వచ్చి కూర్చున్నాడు. తన తరువాత సినిమాను ఎన్టీఆర్‌తో ఫైనల్ చేసుకున్నాడు. ఎన్టీఆర్ లైనప్ లో నీల్సన్ సినిమా ఒకటి.

వార్ 2, ప్రశాంత్ నీల్, సినిమాల తరువాత ఎన్టీఆర్ చేయబోయే సినిమా నీల్సన్ దే. ప్రస్తుతం వార్ 2, ప్రశాంత్ నీల్ సినిమాల పని మీద వున్నారు. వాటిలో ఒకటి పూర్తి కాగానే నీల్సన్ సినిమా మీదకు వస్తారు. విజయ్ దేవరకొండ- సితార సినిమా పాన్ ఇండియా సినిమానే కానీ, ఎన్టీఆర్- నీల్సన్ అంటే చాలా భారీ పాన్ ఇండియా సినిమా అవుతుంది సితార సంస్థకు.

ఈ సంగతులు ఇలా వుంచితే ఎన్టీఆర్ లైనప్ చూస్తుంటే దేవర 2 సినిమా ఇక్కడ ఇమిడేలా లేదు.