Epaper
సన్నీలియోన్‌ మీద ఓ డాక్యుమెంటరీ తీసే ప్రయత్నాలు జరుగుతున్నాయి. డాక్యుమెంటరీ కాదు, పక్కా కమర్షియల్‌ సినిమా తీయబోతున్నారనే ప్రచారమూ జరుగుతోంది. చిన్నతనంలోనే బాయ్‌ఫ్రెండ్‌తో ఎఫైర్‌ నడిపి, అడల్ట్‌ సినీ రంగం వైపుకు వెళ్ళిన సన్నీలియోన్‌, అడల్ట్‌ సినిమాలకు నిర్మాతగా కూడా పనిచేసింది. ఇప్పుడు ఆ ఫీల్డ్‌ని వదిలేసి, బాలీవుడ్‌ సినిమాల్లో మకాం వేసింది సన్నీలియోన్‌.
మొదట ఇండియాలో సన్నీలియోన్‌ అడుగుపెట్టేటప్పుడు బోల్డంత వ్యతిరేకత ఎదుర్కొందామె. ముంబైలో నివసించడానికి 'అద్దె' అపార్ట్‌మెంట్‌ కూడా దొరకలేదు. ఇప్పుడు పరిస్థితి మారిపోయింది. ఆమె ఎక్కడికన్నా వెళ్తే జనం నీరాజనాలు పట్టేస్తున్నారు. హిందీ నేర్చుకుంది, ట్రెడిషనల్‌ వేర్‌లో ఒక్కోసారి కన్పించి, అందర్నీ ఆశ్చర్యపరుస్తోంది. సినిమాల్లో ఎలా నటించినా, మీడియా ముందుకొచ్చేటప్పుడు ఆమె బాడీలాంగ్వేజ్‌ కొత్తగా, ఆశ్చర్యకరంగా అన్పిస్తోంది.
ఎలా చూసినా సన్నీలియోన్‌ లైఫ్‌ చాలామందికి ఆశ్చర్యం కలిగించకమానదు. ఎలాగూ అడల్ట్‌ స్టార్‌ అనే ముద్ర వుంది గనుక, ఆమె మీద కమర్షియల్‌ మూవీ తీసినా, డాక్యుమెంటరీ తీసినా.. దానికి లభించే రెస్పాన్స్‌ ఓ రేంజ్‌లో వుంటుంది. డాక్యుమెంటరీనే రానుందో, సినిమానే వస్తుందోగానీ.. అందులోనూ సన్నీలియోన్‌ తనదైన స్టయిల్‌లో అందాల విందు చేయనుందని మాత్రం ఖచ్చితంగా చెప్పేయొచ్చు.