Epaper
జూనియర్‌ ఎన్టీఆర్‌ తాజా చిత్రం ‘టెంపర్‌’ స్టిల్స్‌ లీక్‌ అవడంతో ఒక్కసారిగా అతని ఫాన్స్‌కి ఫీవర్‌ స్టార్ట్‌ అయింది. ఇంతవరకు ఎన్టీఆర్‌ని ఎప్పుడూ చూసి ఎరుగని రూపంలో చూసేసరికి ఫాన్స్‌లో ఉత్సాహం ఉరకలు వేస్తోంది. ‘యమదొంగ’లో కంప్లీట్‌ మేకోవర్‌తో కనిపించిన ఎన్టీఆర్‌ ఈసారి స్టయిలిష్‌ అవతారంలో అభిమానులకే మతి పోగొడుతున్నాడు.
ట్విట్టర్‌, ఫేస్‌బుక్‌ టైమ్‌లైన్స్‌ని బుధవారం మధ్యాహ్నం నుంచి ఎన్టీఆర్‌ హైజాక్‌ చేసాడు. ఏ హాట్‌ టాపిక్‌ ఉన్నా కానీ తన షేర్‌ తాను తీసుకుపోవడానికి ట్వీట్లు వేసే రామ్‌ గోపాల్‌ వర్మ ‘టెంపర్‌’ పేరు చెప్పి పండగ చేసుకున్నాడు. తన సినిమాల్ని జనం పట్టించుకోవడం మానేసి చాలా కాలమైనా వర్మ ట్వీట్స్‌ ద్వారానే ఉనికి చాటుకుంటున్నాడు.
‘టెంపర్‌’ సినిమాపై ఇండస్ట్రీలో పాజిటివ్‌ బజ్‌ ఎప్పట్నుంచో వినిపిస్తోంది. ఇప్పుడు ఎన్టీఆర్‌ న్యూ లుక్‌ చూసేసరికి ఒక్కసారిగా పూరి జగన్నాథ్‌పై కాన్ఫిడెన్స్‌ అమాంతం పెరిగిపోయింది.
పూరి జగన్నాథ్‌ డౌన్‌లో ఉన్నప్పుడే హిట్లు ఇచ్చాడనే సంగతి కూడా సడన్‌గా గుర్తుకొచ్చి ‘టెంపర్‌’ని తేలిగ్గా తీసుకున్న వారు కూడా దీనిపై ఎక్స్‌పెక్టేషన్స్‌ పెంచుకునే పరిస్థితి వచ్చింది. లీక్‌డ్‌ ఫస్ట్‌ లుక్‌తోనే టెంపరేచర్‌ ఇంత వేడెక్కితే ఇక అసలు లుక్‌ బయటికొస్తే థర్మామీటర్‌ బద్దలైపోద్దేమో!