‘హరి హర’ రాకుంటే తమ్ముడు రెడీ!

ప్రస్తుతానికి అయితే సినిమాకు ఏ బ్యాలన్స్ వర్క్ లేకుండా రెడీ చేసే పెట్టే పనిలో వున్నారు. కొద్ది రోజుల్లో క్లారిటీ రాగానే పబ్లిసిటీ స్టార్ట్ చేస్తారు.

Greatandhra

March 30, 2025, 1:32 pm1:32 pm Hari Hara Veera Mallu Thamudu

హరి హర వీర మల్లు.. పవన్ కళ్యాణ్ నటించిన సినిమా. ఈ సినిమా విడుదల అన్నది గోడ మీద రేపు అని రాసుకునే లాంటిది. వస్తుందనే నమ్మకం నిర్మాతకు వుందేమో కానీ మెల మెల్లగా జనాలు వదలుకుంటున్నారు. ఈ సినిమా లేటెస్ట్ డేట్ మే 9. కానీ వస్తుందా అన్నది అనుమానమే. అందుకే ఆ డేట్ కు వేరే సినిమాలు కూడా ప్లాన్ చేసి వుంచుకుంటున్నారు.

నితిన్- వేణు శ్రీరామ్- దిల్ రాజు భారీ సినిమా ఒకటి వుంది. తమ్ముడు అనే టైటిల్ తో తయారైన ఈ సినిమా మీద అటు దర్శకుడు, ఇటు హీరో మంచి అంచనాలతో వున్నారు.

ఈ సినిమాను మే తొమ్మిదిన విడుదల చేసేందుకు చర్చలు సాగుతున్నాయి. హరి హర వీర మల్లు వస్తుందా? రాదా అన్నది క్లారిటీ లేదు. కొద్ది రోజుల్లో క్లారిటీ వస్తుంది. అప్పుడు అధికారికంగా ప్రకటిస్తారు. ప్రస్తుతానికి అయితే సినిమాకు ఏ బ్యాలన్స్ వర్క్ లేకుండా రెడీ చేసే పెట్టే పనిలో వున్నారు. కొద్ది రోజుల్లో క్లారిటీ రాగానే పబ్లిసిటీ స్టార్ట్ చేస్తారు.

మే 9 ఫిక్స్ అయితే నెల మీద వారం రోజులు టైమ్ వుంటుంది. పైగా ముందు వారం విడుదలయ్యే విజయ్ దేవరకొండ కింగ్ డమ్ పబ్లిసిటీని మించి హడావుడి చేయాలి. ఇవన్నీ జరగాలంటే ముందు డేట్ ఫిక్స్ కావాలి. దాని కోసమే వెయిటింగ్.