క్రిస్మస్ తాత.. అరబ్ షేక్.. రాబిన్ హుడ్

నితిన్ తాజా చిత్రం రాబిన్ హుడ్. ఈ సినిమాలో నితిన్ ఓ స్మార్ట్ దొంగ అనే విషయం అందరికీ తెలిసిందే. అయితే దీంతో పాటు మరో కొత్త విషయాన్ని ఈరోజు రిలీజ్ చేసిన టీజర్ తో బయటపెట్టారు మేకర్స్.

ఈ సినిమాలో నితిన్ పలు గెటప్స్ లో కనిపిస్తున్నాడు. అతడి క్రిస్మస్ తాత గెటప్ ఇప్పటికే బయటకొచ్చింది. తాజాగా రిలీజ్ చేసిన టీజర్ లో అతడు అరబ్ షేక్ గెటప్ లో కనిపించాడు. గెటప్ సీరియస్ గా ఉన్నా, సీన్ మాత్రం చాలా ఫన్నీగా ఉంది.

ధనవంతుల ఇళ్లల్లో చోరీ చేసే దొంగగా నితిన్ ను టీజర్ లో చూపించారు. “డబ్బు కోసం ఎవడికైనా ఎదురెళ్తాడు” అనే డైలాగ్ లోనే నితిన్ పాత్ర స్వభావాన్ని చెప్పారు. అతడి పాత్రతో పాటు సినిమాలో కీలక పాత్రలన్నింటినీ టీజర్ తో పరిచయం చేశారు.

నితిన్, వెంకీ కుడుముల కాంబినేషన్ లో వస్తున్న ఈ సినిమా, టీజర్ తో ఇంకాస్త అంచనాలు పెంచింది. క్రిస్మస్ కానుకగా డిసెంబర్ 25న సినిమాను విడుదల చేయబోతున్నారు. ఆ రోజు బుధవారం పడింది. అయినప్పటికీ ఫెస్టివల్ లాంగ్ వీకెండ్ ను దృష్టిలో పెట్టుకొని అదే తేదీకి ఫిక్స్ అయ్యారు.