తెలుసు కదా.. ఏకథాటిగా 30 రోజులు

సిద్ధు జొన్నలగడ్డ తన కొత్త సినిమాకు రెడీ అయ్యాడు. ఈసారి ఏకంగా 30 రోజుల కాల్షీట్లు కేటాయించాడు. నీరజ కోన దర్శకత్వంలో ‘తెలుసు కదా’ అనే సినిమా చేయబోతున్నాడు సిద్ధు.

వచ్చే నెల 5 నుంచి ఏకథాటిగా ఈ సినిమా షూటింగ్ జరగనుంది. ఇందులో సిద్ధు జొన్నలగడ్డతో పాటు, హీరోయిన్లు రాశిఖన్నా, శ్రీనిధి శెట్టి కూడా పాల్గొంటారు. వీళ్లందరిపై టాకీతో పాటు, పాటలు కూడా షూట్ చేయబోతున్నారు. హైదరాబాద్ లోనే ఈ షూట్ జరుగుతుంది.

ఈ భారీ షెడ్యూల్ పూర్తయిన తర్వాత హీరో, డైరక్టర్, నిర్మాత అంతా కలిసి ఓసారి ఫూటేజ్ పై రివ్యూ చేసుకుంటారు. ఆ తర్వాతే నెక్ట్స్ షెడ్యూల్ ఏంటనేది ఫిక్స్ అవుతుంది. సిద్ధు జొన్నలగడ్డ విషయంలో రెగ్యులర్ గా ఇది జరిగేదే.

పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మాతగా ఈ సినిమా రాబోతోంది. తమన్ సంగీతం అందిస్తున్నాడు. మూవీ షూటింగ్ కు సంబంధించి ఎలాంటి డెడ్ లైన్స్ పెట్టుకోలేదు. మంచి ఔట్ పుట్ వచ్చేంతవరకు షూట్ చేస్తారంట.

టిల్లూ స్క్వేర్ తో సిద్ధు జొన్నలగడ్డ పెద్ద హిట్ కొట్టిన సంగతి తెలిసిందే. ఆ సక్సెస్ ను అతడు కొనసాగించాల్సిన అవసరం ఉంది. అందుకే నీరజ కోనపై ఒత్తిడి పెరిగింది.