గుహ‌న్ `డ‌బ్ల్యుడ‌బ్ల్యుడ‌బ్ల్యు` టీజ‌ర్

`118` వంటి సూప‌ర్‌హిట్ చిత్రాన్నితెర‌కెక్కించిన సినిమాటోగ్రాఫ‌ర్ కేవి గుహన్ ద‌ర్శ‌కత్వంలో రూపొందుతోన్నలేటెస్ట్ మిస్ట‌రీ థ్రిల్ల‌ర్ ‌`డబ్ల్యుడబ్ల్యుడబ్ల్యు`(ఎవ‌రు, ఎక్క‌డ‌, ఎందుకు). అథిత్ అరుణ్‌, శివాని రాజ‌శేఖ‌ర్ హీరోహీరోయిన్లుగా న‌టిస్తున్న ఈ చిత్రాన్ని రామంత్ర క్రియేష‌న్స్ ప‌తాకంపై డా. ర‌వి పి. రాజు దాట్ల నిర్మిస్తున్నారు. 

సంక్రాంతి పండ‌గ‌ సంద‌ర్భంగా `డ‌బ్ల్యుడ‌బ్ల్యుడ‌బ్ల్యు` మూవీ టీజ‌ర్‌ను సూప‌ర్‌స్టార్ మ‌హేష్ బాబు విడుద‌ల చేశారు. ఈ సంద‌ర్భంగా...  మ‌హేష్‌బాబు మాట్లాడుతూ - ``నాకు ఇష్ట‌మైన టెక్నీషియ‌న్స్‌లో  గుహ‌న్  ఒక‌రు. ఆయ‌న‌తో చాలా మంచి సినిమాల‌కు వ‌ర్క్‌ చేశాను. ఇప్పుడు ఆయ‌న ద‌ర్శ‌క‌త్వం వ‌హించిన `డ‌బ్ల్యుడ‌బ్ల్యుడ‌బ్ల్యు`టీజ‌ర్ రిలీజ్ చేయ‌డం హ్యాపీగా ఉంది. టీజ‌ర్ చూశాను చాలా బాగుంది సినిమా త‌ప్ప‌కుండా హిట్ అవ్వాల‌ని కోరుకుంటున్నాను. టీమ్ అంద‌రికీ నా బెస్ట్ విషెస్‌`` అన్నారు. 

ద‌ర్శ‌కుడు కేవి గుహ‌న్ మాట్లాడుతూ  -  ``టెక్నీషియ‌న్స్‌కి ఎంతో గౌర‌వం ఇచ్చే మంచి వ్య‌క్తి మ‌హేష్‌బాబు. ఆయనతో `అత‌డు`, `సీతమ్మ వాకిట్లో సిరిమల్లె చెట్టు`, `దూకుడు` వంటి బ్లాక్ బ‌స్ట‌ర్స్‌కి వ‌ర్క్ చేశాను. ఆయ‌న‌తో వ‌ర్క్ చేయ‌డం ఎప్పుడూ హ్యాపీగా ఉంటుంది. అలానే నేను ద‌ర్శ‌క‌త్వం వ‌హించిన మొద‌టి చిత్రం `118` చూసి న‌న్ను అభినందిస్తూ ట్వీట్ చేశారు. నా మీద అభిమానంతో `డ‌బ్ల్యుడ‌బ్ల్యుడ‌బ్ల్యు` టీజ‌ర్ విడుద‌ల చేయ‌డం చాలా హ్యాపీగా ఉంది. ఇది ఈ చిత్రం విజ‌యానికి శుభ‌సూచ‌కం`` అన్నారు. 

చిత్ర నిర్మాత డా. ర‌వి పి.రాజు దాట్ల  మాట్లాడుతూ - `` మా రామంత్ర క్రియేష‌న్స్ బేన‌ర్‌లో రూపొందుతోన్న ఫ‌స్ట్ మూవీ `డ‌బ్ల్యుడ‌బ్ల్యుడబ్ల్యు`. మా మొద‌టి సినిమా టీజ‌ర్‌ మ‌హేష్ బాబు గారి లాంటి సూప‌ర్‌స్టార్ లాంచ్ చేయ‌డం ఆనందంగా, గ‌ర్వంగా ఉంది. మ‌హేష్ బాబు గారి గోల్డెన్ హ్యాండ్‌తో రిలీజైన మా టీజ‌ర్‌కు చాలా మంచి రెస్పాన్స్ వ‌స్తోంది. గుహ‌న్ గారు ఈ సినిమాని అద్బుతంగా తెర‌కెక్కించారు. ఈ మూవీ చాలా పెద్ద హిట్ అవుతుంద‌ని న‌మ్మ‌కం ఉంది`` అన్నారు. 

హీరో అథిత్ అరుణ్ మాట్లాడుతూ -  ``ఎంతో మందికి ఇన్స్‌పిరేష‌న్ అయిన సూప‌ర్‌స్టార్ మ‌హేష్‌బాబు గారు మా `డ‌బ్ల్యుడ‌బ్ల్యుడ‌బ్ల్యు` టీజ‌ర్ లాంచ్ చేయ‌డం నా అదృష్టంగా భావిస్తున్నాను. ఆయ‌న‌కి నా కృత‌జ్ఞ‌త‌లు. గుహ‌న్ ఈ సినిమా ఎంతో థ్రిల్లింగ్‌గా తీశారు`` అన్నారు.

హీరోయిన్ శివాని రాజ‌శేఖ‌ర్ మాట్లాడుతూ  -  ``నాన్న గారికి మ‌హేష్‌బాబు గారికి మంచి అనుభందం ఉంది. మా అంద‌రికీ మ‌హేష్‌బాబు అంటే చాలా ఇష్టం. నా తొలిచిత్రం టీజ‌ర్ మ‌హేష్‌బాబు గారు లాంచ్ చేయ‌డం చాలా థ్రిల్‌గా ఉంది`` అన్నారు.

కో - ప్రొడ్యూస‌ర్ విజ‌య్ ధ‌ర‌న్ దాట్ల మాట్లాడుతూ - ``ఎంతో బిజీగా ఉండి కూడా గుహ‌న్ మీద అభిమానంతో టీజ‌ర్‌ని రిలీజ్‌చేసి మా సంస్థ‌ని ఎంత‌గానో ప్రోత్సహిస్తున్న మహేష్‌బాబుకి స్పెష‌ల్ థ్యాంక్స్‌. ప్ర‌‌స్తుతం పోస్ట్ ప్రొడ‌క్ష‌న్ జ‌రుగుతోంది. త్వ‌ర‌లోనే రిలీజ్‌కి స‌న్నాహాలు చేస్తున్నాం`` అన్నారు.