Epaper
ఇన్నాళ్లూ పెద్ద సినిమాలు ఓటీటీలోకి రాకపోవడానికి ప్రధాన కారణం మార్కెట్ సమస్య. నేరుగా ఓటీటీలో రిలీజ్ చేస్తే బ్రేక్ ఈవెన్ కష్టం. ఇప్పుడా సందేహాలు, సమస్యలకు రాధే చెక్ పెట్టాడు.
ఒకేసారి ఇటు ఓటీటీలో, అటు అందుబాటులో ఉన్న థియేటర్లలో రిలీజైన ఈ సినిమా.. పెద్ద సినిమాలకు ఓ మార్గం చూపించింది. ఇప్పుడిదే దారిలో నడవడానికి సిద్ధమౌతోంది ఏజెంట్ సినిమా.
సురేందర్ రెడ్డి దర్శకత్వంలో అఖిల్ హీరోగా రాబోతున్న ఈ సినిమాకు ''రాధే మోడల్'' ను ఫాలో అవ్వాలని అనుకుంటున్నారట. మూవీని ఒకేసారి ఇటు ఓటీటీ, అటు థియేటర్లలో రిలీజ్ చేయాలని అనుకుంటున్నారట.
నిజానికి ఈ సినిమా ఇంకా సెట్స్ పైకి రాలేదు. రిలీజ్ టైమ్ కు కరోనా పరిస్థితులన్నీ సర్దుకుంటాయి కూడా. అయినప్పటికీ మేకర్స్ ఇలా నిర్ణయించడానికి ఓ కారణం ఉంది. అఖిల్-సురేందర్ రెడ్డి సినిమాకు బడ్జెట్ సమస్యలున్నాయి.
అఖిల్ మార్కెట్ ను మించి బడ్జెట్ అవుతోంది ఏజెంట్ సినిమాకు. అందుకే ఓ మంచి ఓటీటీ పార్టనర్ ను భాగస్వామిగా చేసుకొని.. థియేటర్-ఓటీటీలో ఒకేసారి రిలీజ్ చేసేలా ఒప్పందం కుదుర్చుకోవాలని చూస్తున్నారట. అయితే ఇదంతా ఇంకా ఆలోచన దశలోనే ఉంది.
మరోవైపు ఏజెంట్ సినిమాకు సంబంధించి కొంతమంది రైటర్లను ప్రత్యేకంగా తీసుకున్నాడు దర్శకుడు సురేందర్ రెడ్డి. యాక్షన్ థ్రిల్లర్ గా రాబోతున్న ఈ సినిమా స్క్రిప్ట్ ను మరింత టైట్ గా మలిచేందుకు ఓ నెల రోజుల పాటు రైటర్స్ తో కలిసి కూర్చోబోతున్నాడు.