Advertisement

Advertisement


Home > Movies - Movie Gossip

నందమూరి హీరో గీత దాటాడా?

నందమూరి హీరో గీత దాటాడా?

తెలుగు సినిమా సెన్సార్‌ ఛీఫ్‌గా ధనలక్ష్మి ఉన్నంత కాలం పెద్ద సినిమాలకి చుక్కలు కనిపించేవి. చాలా మామూలు సీన్లని కూడా కత్తిరించి పారేయడం, మితి మీరిన హింస కానీ, అసభ్యత కానీ లేని చిత్రాలకి అకారణంగా ఏ సర్టిఫికెట్‌ ఇచ్చేయడం జరిగేది. ఆమె వెళ్లిపోయాక పరిస్థితులు మారాయి. ‘ఐ’ సినిమా కూడా యు/ఏ సర్టిఫికెట్‌తో రిలీజ్‌ అయింది. 

ఇదే సినిమా ధనలక్ష్మి హయాంలో అయితే చాలా కట్స్‌కి గురయి, అదనంగా అడల్ట్‌ సర్టిఫికెట్‌ తెచ్చుకునేది. గోపాల గోపాలలాంటి క్లీన్‌ మూవీకి కూడా ‘యు/ఏ’ వచ్చి ఉండేది. కాస్త లిబరల్‌ సెన్సార్‌ ఆఫీసర్లు ఉన్న ఈ టైమ్‌లో కూడా కళ్యాణ్‌రామ్‌ ‘పటాస్‌’కి ఏ సర్టిఫికెట్‌ వచ్చింది. చూడ్డానికి వినోదాత్మక చిత్రంలానే కనిపిస్తున్నా కానీ ఏ సర్టిఫికెట్‌ ఎందుకొచ్చిందో మరి. 

మాస్‌ని మెప్పించే ప్రయత్నంలో భాగంగా హింస మితి మీరిందో ఏమో. త్రీడీ సినిమాలనీ, కామెడీ సినిమాలనీ ప్రయత్నించి చేతులు కాల్చుకున్న కళ్యాణ్‌రామ్‌ ఈసారి మాస్‌ని ఆకట్టుకునే ప్రయత్నం చేస్తున్నాడు. ఏ సర్టిఫికెట్‌ అతని సినిమాకి కొందరు ఫ్యామిలీ ఆడియన్స్‌ని దూరం చేసినా మాస్‌ ఆడియన్స్‌ని ఘనంగా ఆకట్టుకుంటే ఓకే.  

అందరూ ఒక వైపు.. ఆ ఒక్కడూ మరో వైపు

రాజకీయ జూదంలో ఓడితే బతుకేంటి?