ప్రభాస్- ప్రశాంత్ వర్మ- బ్రహ్మరాక్షస!

బాహుబలి ప్రభాస్ చేతిలో ఇప్పుడు అయిదు ప్రాజెక్ట్ లు వున్నాయి. రాజా సాబ్, స్పిరిట్, హను రాఘవపూడి సినిమా, సలార్ 2, కల్కి 2.

రాజాసాబ్ సినిమా పూర్తి కావస్తోంది. హను రాఘవపూడి సినిమా మొదలు అయింది. స్పిరిట్ సినిమా డిసెంబర్ లేదా జ‌నవరి నుంచి ప్రారంభం కావచ్చు. అంటే ఈ మూడు సినిమాలకే 2025 డైరీ పూర్తయిపోతుంది. ఇంకా కల్కి 2, సలార్ 2 వున్నాయి. మొత్తం మీద చూసుకుంటే 2026 చివరి వరకు ప్రభాస్ కు సినిమాలు వున్నాయి.

ఇదిలా వుంటే ప్రశాంత్ వర్మతో ఓ సినిమా చేయబోతున్నారు అనే టాక్ వచ్చింది ఇటీవల. దాని వైనం ఏమిటా? అని అరా తీస్తే… అందులో కాస్త నెగిటివ్ షేడ్ వున్న పాత్రను ప్రభాస్ చేయబోతున్నారు అని తెలుస్తోంది. బ్రహ్మ రాక్షస అనే టైటిల్ తో రాసుకున్న కథను దర్శకుడు ప్రశాంత్ వర్మ అ మధ్య ఒక బాలీవుడ్ హీరోకి చెప్పారు. అది ఎందుకో అరంభంలోనే అగిపోయింది.

ఇప్పుడు అదే కథను ప్రభాస్ కు చెప్పినట్లు, దానికి ఓకె అన్నట్లు తెలుస్తోంది. కాస్త నెగిటివ్ షేడ్ వుండే ఈ పాత్ర చేయాలని ప్రభాస్ అసక్తిగా వున్నట్లు తెలుస్తోంది. ప్రస్తుతానికి ప్రభాస్ బిజీగా వున్నట్లే ప్రశాంత్ వర్మ కూడా మల్టిపుల్ ప్రాజెక్ట్ లతో బిజీగా వున్నారు. అందువల్ల ఇద్దరూ కలిసి 2026 లోనో 2027 లోనో బహ్మరాక్షస సినిమా చేస్తారేమో?