స్వయంభులో.. రామసేతు

సరైన కథకు కాస్త ఫాంటసీ టచ్ ఇస్తే అది వేరుగా ఉంటుంది. ఆ ఫాంటసీకి కాస్త మైథలాజికల్ టచ్ ఇస్తే ఇంకా కిక్కు ఇస్తుంది. కార్తికేయ 2, హనుమాన్, కల్కి లాంటి సినిమాలు ఇదే విషయాన్ని ప్రూవ్ చేశాయి. కార్తికేయ 2 లో అనుపమ్ ఖేర్ ఎపిసోడ్, హనుమాన్ లో క్లైమాక్స్, కల్కి లో కర్ణ ఎపిసోడ్ ఇలా చిన్న మ్యాజిక్ టచ్‌తో బ్లాక్‌బస్టర్ అయ్యాయి.

హీరో నిఖిల్ ఇప్పుడు ఓ సినిమా చేస్తున్నారు. స్వయంభు అనే ఈ సోషియో-ఫాంటసీ సినిమాను టాగోర్ మధు చాలా భారీగా నిర్మిస్తున్నారు. బహుశా నిఖిల్ కెరీర్‌లోనే హయ్యెస్ట్ బడ్జెట్ సినిమా ఇదే కావచ్చు. భరత్ అనే కొత్త దర్శకుడు ఈ సినిమాను రూపొందిస్తున్నారు.

ఇప్పటివరకు ఈ సినిమా లైన్, లెంగ్త్, కథ, కమామిషూ అన్నది బయటకు పెద్దగా రాలేదు. కానీ సినిమా ఫుల్ సీజీ వర్క్స్ తో భారీగా ఉంటుందని తెలుస్తోంది. సినిమాలో రామసేతు ఎపిసోడ్ కూడా ఉంటుందని, అది కీలకమైనదిగా ఉంటుందని సమాచారం. భారతదేశం-శ్రీలంకకు మధ్య శ్రీరాముడు నిర్మించిన వారధినే రామసేతు. ఇది పుక్కిటి పురాణం కాదని, సముద్ర గర్భంలో రామసేతు అవశేషాలు, ఆనవాళ్లు ఇంకా ఉన్నాయని ప్రూవ్ అయింది. దీని మీద బోలెడన్ని పరిశోధనలు, పుస్తకాలు వచ్చాయి.

స్వయంభు సినిమాలో ఈ రామసేతు కు సంబంధించిన సీన్లు కొన్ని ఉంటాయని తెలుస్తోంది. వాటిని సీజీ లో రూపొందించే పనిలో ఉన్నారు. సినిమా ప్రొడక్షన్ వర్క్ అంతా పూర్తయింది. సీజీ వర్క్స్ జరుగుతున్నాయి. మే లేదా జూన్ లో సినిమాను భారీగా విడుదల చేయనున్నారు.