3 న మంచి రోజులు 10న లవ్ స్టోరీ

మళ్లీ థియేటర్లు కళకళ లాడబోతున్నాయి. వరుసగా విడుదల డేట్ లు లాక్ అవుతున్నాయి. ఇప్పటికే గత మూడు వారాలుగా ప్రతి వారం అయిదారు సినిమాలు విడుదలవుతున్నాయి. వీటిల్లో ఒకటయినా కాస్త నోటెడ్ మూవీ వుంటోంది. ఈ వారం విడుదల కాబోతున్నవాటిలో విష్వక్ సేన్ పాగల్ వుంది.

వచ్చే వారం (19న) మాత్రం మూడు నాలుగు చిన్న సినిమాలు వున్నాయి. శ్రీవిష్ణు 'రాజరాజ చోర' చెప్పుకోదగ్గ సినిమా. ఆ పైవారాన్ని సుధీర్ బాబు శ్రీదేవి సోడా సెంటర్ రిజర్వ్ చేసుకుంది. 

వాస్తవానికి ఈ డేట్ కు దర్శకుడు మారుతి సినిమా రావాల్సి వుంది. ఆయన కొత్త సినిమా 'మంచి రోజులు వచ్చాయి' సెప్టెంబర్ 3న విడుదలవుతుంది.

ఆపై వారం వినాయకచవితి కి నాగ్ చైతన్య-సాయిపల్లవి ల 'లవ్ స్టోరీ' విడుదలకు సిద్దం అవుతోంది. నాగశౌర్య లక్ష్య సినిమాను కూడా ఇదే నెలలో ప్లాన్ చేస్తున్నారు. మొత్తం మీద సినిమాల కళ మొదలైంది.