‘దసరా’ ప్రారంభం

నాని నటుడిగా కొత్త ప్రయాణాన్ని ప్రారంభించాడు, అతను వైవిధ్యమైన చిత్రాలను మాత్రమే చేస్తున్నాడు, మునుపెన్నడూ చూడని విభిన్న పాత్రలతో ప్రెజెంట్ చేయబోతున్నాడు. 

శ్యామ్ సింఘ రాయ్ విజయంతో వున్న నాని కొత్త దర్శకుడు శ్రీకాంత్ ఓదెల కాంబినేషన్లో దసరా చిత్రం చేస్తున్నాడు. సుధాకర్ చెరుకూరి తన శ్రీ లక్ష్మీ వెంకటేశ్వర సినిమాస్ ఆధ్వర్యంలో దసరా చిత్రాన్ని ప్రతిష్టాత్మకంగా భారీ బడ్జెట్తో రూపొందిస్తున్నారు. కథానాయికగా జాతీయ అవార్డు గెలుచుకున్న కీర్తి సురేష్ నటించనుంది.

దసరా చిత్రం ఈరోజు (బుధవారం ) పూజా కార్యక్రమాలతో ఘనంగా ప్రారంభమైంది. ఈ కార్యక్రమానికి అతిధులుగా సుకుమార్, తిరుమల కిషోర్, వేణు ఉడుగుల, శరత్ మండవ హాజరయ్యారు. ముహూర్తం షాట్కు దర్శకుడు శ్రీకాంత్ తండ్రి చంద్రయ్య కెమెరా స్విచాన్ చేయగా, నాని, కీర్తి సురేష్ క్లాప్ కొట్టారు. తిరుమల కిషోర్, సుధాకర్ చెరుకూరి, శ్రీకాంత్ ఓదెల చిత్ర స్క్రిప్ట్ను చిత్ర బృందానికి అందజేశారు.

గోదావరిఖనిలోని సింగరేణి కోల్ మైన్స్ ఉన్న ఒక గ్రామంలో జరిగే కథలో నాని మాస్ అండ్ యాక్షన్-ప్యాక్డ్ పాత్రను పోషిస్తున్నాడు. దసరా కుటంబకథ డ్రామాగా రూపొందుతోంది. అంతేకాక దసరా గ్లింప్స్కు అద్భుతమైన స్పందన వచ్చింది. సత్యన్ సూర్యన్ సినిమాటోగ్రఫీ, సంతోష్ నారాయణన్ సంగీతం అందించనున్న ఈ చిత్రంలో సముద్రఖని, సాయి కుమార్,  జరీనా వహాబ్ ముఖ్య తారాగణం.