ఈ వారం ఓటీటీలోకి బ్లాక్ బ‌స్ట‌ర్ సినిమాలు!

ఈ వారం ఓటీటీ విడుద‌ల‌ల్లో బ్లాక్ బ‌స్ట‌ర్ సినిమాల పేర్లు వినిపిస్తూ ఉన్నాయి. తెలుగు, త‌మిళ‌, మ‌ల‌యాళ భాష‌ల‌కు సంబంధించి ఆస‌క్తిదాయ‌క‌మైన సినిమాలు ఓటీటీ ద్వారా విడుద‌ల కాబోతున్నాయి. వీటిల్లో ఎన్టీఆర్ సినిమా దేవ‌ర కూడా ఉంది. దేవ‌ర నెట్ ఫ్లిక్స్ లో న‌వంబ‌ర్ ఎనిమిదో తేదీన అందుబాటులోకి రాబోతోంది. బాక్సాఫీస్ వ‌ద్ద కూడా బాగానే స‌త్తా చాటిన ఈ సినిమాను ఓటీటీలో వీక్షించేందుకు కూడా చాలా మందే ఎదురుచూస్తూ ఉన్నారు. ప్ర‌త్యేకించి ద‌స‌రా సంద‌ర్భంలో ఈ సినిమా టికెట్ రేట్లు, వ‌చ్చిన టాక్ ఫ‌లితంగా కొంత‌మంది ఫ్యామిలీల‌తో థియేట‌ర్ల‌కు వెళ్లే సాహ‌సం చేయ‌లేక‌పోయారు. ఇలాంటి నేప‌థ్యంలో ఓటీటీ విడుద‌లతో వారు ఈ సినిమా ముచ్చ‌ట‌ను తీర్చుకునే అవ‌కాశం ఉంది.

ఇక ర‌జ‌నీకాంత్ సినిమా వేట్ట‌యాన్ కూడా ఈ వారంలోనే ఓటీటీలో విడుద‌ల కాబోతోంది. ఈ సినిమా ప్రైమ్ లో ఈ నెల ఎనిమిదో తేదీన విడుద‌ల కానుంది. ర‌జ‌నీకాంత్ తో స‌హా అమితాబ్ బ‌చ్చ‌న్ క‌నిపించిన ఈ సినిమాకు తెలుగునాట థియేట‌ర్ల వ‌ద్ద మ‌రీ బీభ‌త్స‌మైన స్పంద‌న ఏమీ రాలేదు. ఇలాంటి నేప‌థ్యంలో ఓటీటీలో చూడ‌ద‌గ్గ సినిమాగా ఇది నిలుస్తోంది.

ఇక ఆస‌క్తి రేపిన మ‌ల‌యాళ సినిమా ఏఆర్ఎమ్ కూడా ఈ వార‌మే ఓటీటీలో అందుబాటులోకి రాబోతోంది. ఇది డిస్నీహాట్ స్టార్ లో విడుద‌ల అవుతోంది. ఈ నెల ఎనిమిదో తేదీనే ఈ సినిమా అక్క‌డ విడుద‌ల కాబోతోంది. టోవినో థామ‌స్ ప్ర‌ధాన పాత్ర‌లో న‌టించిన ఈ సినిమా ఆడియో తెలుగులో కూడా ఆక‌ట్టుకుంది. దీన్ని తెలుగులోకి అనువ‌దించి విడుద‌ల చేశారు. కాస్త ప్ర‌చారం కూడా చేశారు కానీ, ఎందుకో అంత ఊపు రాలేదు. అయితే ఓటీటీల్లో మ‌ల‌యాళీ సినిమాల‌కు తిరుగులేదు కాబ‌ట్టి.. ఈ సినిమా ఓటీటీలో వీక్ష‌కాద‌ర‌ణ పొందే అవ‌కాశాలున్నాయి.

ఇక ప్రైమ్ వీడియోలోనే ఒక ఆస‌క్తిదాయ‌క‌మైన వెబ్ సీరిస్ విడుద‌ల అవుతోంది. స‌మంత‌, వ‌రుణ్ ధావ‌న్ లు ప్ర‌ధాన పాత్ర‌ల్లో న‌టించిన సిట‌డెల్ – హ‌నీబ‌న్నీ న‌వంబ‌ర్ ఏడో తేదీన విడుద‌ల అయ్యింది. ఒక అమెరిక‌న్ వెబ్ సీరిస్ కు ఇది ఇండియ‌న్ అడాప్టేష‌న్.