లావణ్య వీడియోలు డిలీట్ కాలేదా?

“వీడియోలు బాబూ వీడియోలు” అంటూ తెగ హడావుడి చేస్తున్నాయి డిజిటల్ టీవీ చానెళ్లు. ఈ చానెళ్ల వార్తలు ఎక్కువగా మస్తాన్ సాయి చుట్టూనే తిరుగుతున్నాయి. మస్తాన్ సాయి… హార్డ్ డిస్క్… అందులో వీడియోలు ఇదే విషయం.

మొత్తానికి తెగ హడావుడి చేసి, ఇవి తేల్చిన ముచ్చట ఏమిటంటే… రాజ్ తరుణ్ సన్నిహిత స్నేహితురాలు లావణ్య నగ్న వీడియోలు మస్తాన్ సాయి హార్డ్ డిస్క్‌లో ఉన్నాయి.

ఆ సంగతి రాజ్ తరుణ్, లావణ్యకు తెలుసు. రాజ్ తరుణ్ ఏదో విధంగా ఒప్పించి మస్తాన్ సాయి ఫోన్ నుండి వాటిని డిలీట్ చేయించాడు. కానీ మస్తాన్ సాయి వారికి తెలియకుండా వాటిని వేరే డివైస్‌లో కాపీ చేసి ఉంచుకున్నాడు.

అసలు ఈ వీడియోలు ఎలా వచ్చాయి? మస్తాన్ సాయి సీక్రెట్ కెమెరాలు పెట్టి సంపాదించాడు. లావణ్యకు డ్రగ్స్, లిక్కర్ ఇచ్చి, కొన్ని పర్సనల్ మూమెంట్స్‌ను క్యాప్చర్ చేశాడు.

ఇప్పుడు అవి పోలీసులకు దొరికాయి. వాటి లీక్‌లు ఈ డిజిటల్ టీవీ చానెళ్లకు దొరికాయి. ఇక హడావుడి మొదలైంది.

కానీ ఇక్కడ అనుమానం ఒక్కటే. పోలీసులకు అందిన డిస్క్‌లో ఉన్న వీడియోల సమాచారం ఎలా, ఎందుకు, ఎవరికీ లీక్ అయింది? సాధారణంగా వీడియోలు ఉన్నాయి అని చెప్పి బెదిరిస్తే దాన్ని బ్లాక్‌మెయిల్ అంటారు కదా? పోలీసుల దగ్గర ఉన్న హార్డ్ డిస్క్‌లో ఈ వీడియోలు ఉన్నాయోచ్ అని అనఫిషియల్‌గా లీక్ చేయడాన్ని ఏమంటారు? ఇది సంబంధిత మహిళలకు పరువు తక్కువ కాదా? ఈ విషయం ఎందుకు ఎవరూ గమనించడం లేదు, ఖండించడం లేదు?