ఓటీటీలోకి క్రేజీ సినిమా.. ఇంకా ఏవేవంటే!

దీపావ‌ళి సంద‌ర్భంగా ఒక‌వైపు థియేట‌ర్ల‌లోకి ప‌లు సినిమాలు వ‌స్తున్నాయి. లాంగ్ వీకెండ్ లో బాక్సాఫీస్ వ‌ద్ద క‌లెక్ష‌న్ల‌ను రాబ‌ట్ట‌డానికి వివిధ సినిమాలు ప్ర‌య‌త్నాల్లో ఉన్నాయి. తెలుగులో ప్ర‌ముఖంగా ల‌క్కీ భాస్క‌ర్, క సినిమాలు అక్టోబ‌ర్ 31 వ తేదీన థియేట‌ర్ల‌లో విడుద‌ల కాబోతున్నాయి. అలాగే క‌న్న‌డ క‌మ్ డ‌బ్బింగ్ సినిమా భ‌గీరా కూడా ఆ రోజునే ల‌క్ ను ప‌రీక్షించుకోనుంది.

అద‌లా ఉంటే.. అక్టోబ‌ర్ 31న ఓటీటీలోకి క్రేజీ సినిమా ఒక‌టి వ‌స్తోంది. అదే తంగాల‌న్. ఈ త‌మిళ అనువాద సినిమా తెలుగులో థియేట‌ర్ల వ‌ద్ద కూడా ఫ‌ర్వాలేద‌నిపించుకునే స్థాయిలో వ‌సూళ్ల‌ను సంపాదించుకుంది. ఈ సినిమా సోష‌ల్ మీడియాలో పెద్ద పెద్ద డిబేట్లే సాగాయి. విక్ర‌మ్ కష్టానికి ఊర‌ట విజ‌యాన్ని ఇచ్చింది ఈ సినిమా. ఈ నేప‌థ్యంలో ఇది ఓటీటీలో అందుబాటులోకి రాబోతోంది. నెట్ ఫ్లిక్స్ లో ఇది విడుద‌ల అవుతోంది.

ఇక ఆస‌క్తిని క‌లిగిస్తున్న మ‌రో సినిమా మ‌ల‌యాళీ ‘కిష్కిందకాండం’ డిస్నీ హాట్ స్టార్లో ఈ సినిమా న‌వంబ‌ర్ ఒక‌టో తేదీన విడుద‌ల అవుతోంది. ఓటీటీల్లో మ‌ల‌యాళీ సినిమాల హ‌వా నేప‌థ్యంలో ఈ సినిమా థ్రిల్ల‌ర్ నేప‌థ్యం ఆస‌క్తిని రేపుతూ ఉంది.

అక్లోబ‌ర్ 29న అమెజాన్ లో హాలీవుడ్ సినిమా ‘జోక‌ర్ 2’ రెంట్ మీద అందుబాటులోకి వ‌చ్చింది. క‌రోనా లాక్డౌన్ స‌మ‌యంలో జోక‌ర్ సినిమా ఓటీటీలో బాగా వీక్ష‌కాద‌ర‌ణ పొందింది. 2020 ఆస్కార్ అవార్డుల ప్ర‌క‌ట‌న త‌ర్వాత ఈ సినిమా ప‌ట్ల ఇండియాలో బాగా ఆద‌ర‌ణ క‌నిపించింది. అదే స‌మ‌యంలో ఓటీటీలో అందుబాటులోకి రావ‌డంతో బాగా వీక్ష‌కాద‌ర‌ణ ల‌భించింది. ఈ ఏడాదిలో దీనికి సీక్వెల్ విడుద‌ల అయ్యింది. ఇప్పుడు రెంట‌ల్ ప‌ద్ధ‌తిలో ఓటీటీలో ఇది అందుబాటులోకి వ‌చ్చింది.

డిస్నీ హాట్ స్టార్లో త‌మిళ సినిమా ల‌బ్బ‌ర్ పాండు అందుబాటులోకి వ‌స్తోంది ఈ వారంలోనే. గ‌ల్లీ క్రికెట్ నేప‌థ్యంలో ఈ సినిమా రూపొందింది. జీ ప్రైమ్ ఒరిజిన‌ల్స్ లో *మిథ్య* అందుబాటులోకి వ‌స్తోంది. హుమా ఖురేష్ ప్ర‌ధాన పాత్ర పోషించింది ఇందులో. నెట్ ఫ్లిక్స్ లో డిప్లొమాట్ 2 వెబ్ సీరిస్ అందుబాటులోకి వ‌స్తోంది. యూఎస్ రాజ‌కీయ నేప‌థ్యంలో సాగే ఈ క‌థాంశంలో ఇది రెండో సీజ‌న్. ఒక మ‌రో సినిమాకు సంబంధించిన ఓటీటీ ప్ర‌క‌ట‌న కూడా వ‌చ్చింది.

గోపిచంద్ హీరోగా శ్రీనువైట్ల ద‌ర్శ‌క‌త్వంలో రూపొందిన విశ్వం సినిమా అక్టోబ‌ర్ 11న ఇది ప్రైమ్ లో విడుద‌ల కానుంది. అలాగే న‌య‌నతార జీవితం ఆధారంగా ఒక డాక్యుమెంట‌రీ విడుద‌ల కానుంది నెట్ ఫ్లిక్స్ లో. ఆమె 40 వ పుట్టిన రోజు సంద‌ర్భంగా ఇది న‌వంబ‌ర్ 18న అందుబాటులోకి రానుంది.