తొలిసారి సునీల్ డబుల్ రోల్

హీరో గా ప్రమోట్ అయిన కమెడియన్ సునీల్ గురించి కాస్త ఇంట్రెస్టింగ్ అప్ డేట్. సునీల్ తొలిసారి ద్విపాత్రాభినయం చేస్తున్నాడు. రచయిత, దర్శకుడు వీరు పోట్ల రూపొందిస్తున్న వీడు గోల్డ్ ఎహె సినిమాలో సునీల్ ది డబుల్ రోల్ అంట. మన రాముడు భీముడు మాదరిగా కాకున్నా, కాస్త దగ్గరగా. ఒకడు మరీ మంచోడు. ఒకడు చాలూ అన్న టైపు అన్నమాట. వీరు పోట్ల ఈ రెండు విభిన్నమైన క్యారెక్టర్లను అవుట్ అండ్ అవుట్ ఫుల్ ఎంటర్ టైన్ మెంట్ వుండేలా తయారుచేసాడట. 

అయితే డబుల్ రోల్ అన్న ఇంట్రెస్టింగ్ పాయింట్ ను ఇప్పటి నుంచే రివీల్ చేయకూడదని దాచి వుంచినట్లు తెలుస్తోంది. ఈ సినిమా తనకు పెద్ద హిట్ అవుతుందని సునీల్ చాలా నమ్మకంతో వున్నాడు. సెప్టెంబర్ 9న విడుదలకు రెడీ అయిపోతోందీ సినిమా. వన్ డే ప్యాచ్ వర్క్, మూడు సాంగ్స్ మాత్రమే బకాయి దీనికి.