బాబాయ్ పార్టీకి భారీ విరాళం

జనసేనాధిపతి  పవన్ కళ్యాణ్ కు మెగా ఫ్యామిలీ మద్దతు ఫుల్లుగా వున్న సంగతి తెలిసిందే. ఆ మధ్య పవన్ సోదరుడు నాగబాబు ఓ అడుగు ముందుకు వేసి, బాలకృష్ణ ఎవరో తెలియదు అని చెప్పా, పవన్ కోసం ఓ కౌంటర్ కూడా వేసారు. నాగబాబు కుమారుడు హీరో వరుణ్ తేజ్ కూడా తన తండ్రిని సమర్థించారు. తమ బాబాయ్ కోరితే ప్రచారంలోకి కూడా దిగుతామన్నారు.

ఇలాంటి నేపథ్యంలో వరుణ్ తేజ్ మరో అడుగు ముందుకు వేసి, ఏకంగా కోటి రూపాయల విరాళాన్ని జనసేనకు ప్రకటించారు. నాగబాబు కూడా తన సోదరుడి పార్టీకి పాతిక లక్షల విరాళాన్ని ప్రకటించారు. 

వరుణ్ తేజ్ ఏకంగా కోటి రూపాయల డొనేషన్ ప్రకటించడం అంటె నిజంగా చెప్పుకోదగ్గ విషయమే. ఇది పవన్ మీద అతనికి వున్న అభిమానాన్ని, ప్రేమను చాటుతుంది. మరి ఇక ఈ బాటలో మిగిలిన మెగా హీరోలు కూడా పయనిస్తారేమో? బన్నీ, సాయి ధరమ్ వగైరాలు కూడా విరాళాలు ప్రకటిస్తారేమో? చూడాలి.