బ‌న్నీకి ఇద్దర‌మ్మాయిలే అంట‌!

త్రివిక్రమ్ ద‌ర్శక‌త్వంలో ఓ చిత్రం చేయ‌బోతున్నాడు అల్లు అర్జున్‌. ఆ చిత్రం సెట్స్‌పైకి వెళ్లడానికి ఇంకా కొంచెం స‌మ‌యం ప‌డుతుంద‌ట‌. అయితే… ఇందులో ముగ్గురు క‌థానాయిక‌లు న‌టిస్తున్నార‌ని కొన్నాళ్లుగా ఫిల్మ్‌న‌గ‌ర్‌లో చెప్పుకొంటున్నారు. 

తాజాగా అందించిన విశ్వస‌నీయ స‌మాచారం మేర‌కు… ఇందులో ముగ్గురు భామ‌లు ఉండ‌ర‌ట‌. ఒక‌వేళ ఉన్నా… ఇంకో భామ మాత్రం స్పెష‌ల్ సాంగ్‌కి మాత్రమే రాబోతోంద‌ట‌. ప్రధానంగా క‌థానాయిక‌లు మాత్రం ఇద్దరేన‌ట‌. ఆ విష‌యాన్ని స్వయంగా బ‌న్నీనే చెబుతున్నాడు. 

ఆ ఇద్దర‌మ్మాయిలు కూడా ఇప్పటికే సెలెక్ట్ అయ్యార‌నీ… ఒక‌రు స‌మంత కాగా మ‌రొకరు ప్రణీత అని స‌మాచారం. బ‌న్నీ న‌టించిన రేసుగుర్రం విడుద‌లయ్యాక చాలా రోజుల‌కి ఈ చిత్రం సెట్స్‌పైకి వెళుతుంద‌ట‌. హారిక హాసిని క్రియేష‌న్స్ ప‌తాకంపై ఈ చిత్రం తెర‌కెక్కబోతోంద‌ని స‌మాచారం.