మహేష్ పూర్తిగా మారిపోయాడు

సూపర్ స్టార్ మహేష్ ఇప్పుడు చాలా మారిపోయాడు. మీడియా ఫ్రెండ్లీ అయిపోయాడు. అంతే కాదు. అభిమానులకు కూడా అందుబాటులో వుంటున్నాడు.

శ్రీమంతుడు సినిమా ప్రమోషన్ లో భాగంగా మూడు సార్లు మీడియాను కలిసాడు. ఈ పత్రిక..ఆ వెబ్ సైట్..ఆ ఛానెల్ అంటూ గీతలు గీయకుండా, ప్రతి ఒక్కరినీ కలిసాడు. అందరితో చేతులు కలిపాడు. ముచ్చటించాడు. ఇప్పుడు అదే ఊపున అభిమానులతో కూడా కలవాలనుకుంటున్నాడట.

రెండు తెలుగు రాష్ట్రాల అభిమానులను పిలిచి, వారికి స్పెషల్ గా థాంక్స్ చెప్పాలనుకుంటున్నాడట. 110 కోట్లు దాటిపోయింది శ్రీమంతుడు గ్రాస్. మరి అంత రేంజ్ హిట్ ఇచ్చిన అభిమానులకు ఆ మాత్రం థాంక్స్ చెప్పకుంటే ఎలా? ఈ కార్యక్రమం ఎప్పుడు జరిగేదీ త్వరలో తెలియచేస్తారు. బహుశా శిల్పకళావేదికలో వుండొచ్చు ఈ కార్యక్రమం.