మంచు సినిమాలో మంచి రీమిక్స్

మామ మంచు..అల్లుడు కంచు అంటూ భలే టైటిల్ ఫిక్స్ చేసాడు డైరక్టర్ శ్రీనివాసరెడ్డి. టాటా బిర్లా మధ్యలో లైలా, చందన బ్రదర్స్ బొమ్మన సిస్టర్స్ అంటూ భలే టైటిళ్లు పెట్టడం అలవాటే ఆయనకు. ఇప్పుడు ఈ మంచు కంచు సినిమా మోహన్ బాబు, అల్లరి నరేష్ ల కోసం.

పైగా అలనాటి హీరోయిన్లు రమ్యకృష్ణ, మీనాలను తీసుకువచ్చి మోహన్ బాబుకు జోడీగా వుంచాడు. వెంటనే అల్లరి మొగుడు కాంబినేషన్ ఎలాగూ గుర్తుకు వస్తుంది. అందుకే అందులోని మాంచి హిట్ సాంగ్ ను కూడా ఈ సినిమాలో రీమిక్స్ చేసి, ఫిక్స్ చేయాలనుకుంటున్నాడట.

ఈ మధ్య మంచువారి సినిమాలకు ఇద్దరు ముగ్గురు సంగీతం అందించడం కామన్. ఇప్పుడు ఈ సినిమాకు కూడా అచ్చు, బప్పీలహరి, రఘు కుంచె తలా ఒకటో, రెండో పాటలు చేస్తున్నారు. దానికి తోడు ఈ కీరవాణి పాట మిక్స్ అన్నమాట. ఇద్దరు హీరోయిన్ లతో హీరో పాడే పాట ఇది. ముద్దింమందీ ఓ చామంతీ అంటూ.