సమంతపై ప్రేమ పుకార్లు

నాగచైతన్య కొత్త తోడు వెదుక్కున్నాడు. శోభితతో పెళ్లికి రెడీ అయ్యాడు. రీసెంట్ గా నిశ్చితార్థం కూడా పూర్తయింది. మరి సమంత పరిస్థితేంటి?

నాగచైతన్య నుంచి విడిపోయిన తర్వాత సమంత సింగిల్ గానే ఉంటోంది. ఆమె వ్యక్తిగత జీవితంపై ఇప్పటివరకు ఎలాంటి ఊహాగానాలు చెలరేగలేదు. అయితే ఇప్పుడా పనిని బాలీవుడ్ మీడియా మొదలుపెట్టింది.

నాగచైతన్య ఎంగేజ్ మెంట్ పూర్తవ్వడంతో, సమంతపై ఫోకస్ పెట్టిన బాలీవుడ్ మీడియా.. దర్శక-నిర్మాత రాజ్ నిడమూరుతో ఆమె డేటింగ్ లో ఉందంటూ కథనాలు ప్రసారం చేస్తోంది.

సమంత-రాజ్ కు చాన్నాళ్లుగా పరిచయం. ఫ్యామిలీ మేన్ సీజన్-2 తో వీళ్లిద్దరి మధ్య పరిచయం పెరిగింది. తాజాగా రాజ్ తో కలిసి సిటాడెల్ ఇండియన్ వెర్షన్ కు వర్క్ చేసింది సమంత.

ఇప్పుడు వీళ్లిద్దరూ ప్రేమలో ఉన్నారంటూ బాలీవుడ్ మీడియాలో కథనాలు ప్రత్యక్షమౌతున్నాయి. దీనిపై ఇప్పటివరకు రాజ్ లేదా సమంత స్పందించలేదు.

నిజానికి వీళ్లిద్దరి రిలేషన్ షిప్ పై పుకార్లు రావడం ఇదే తొలిసారి కాదు. నాగచైతన్యతో సమంత విడిపోయిన కొత్తలో రాజ్ పేరు తెరపైకొచ్చింది. ఇప్పుడు మరోసారి ఆ రూమర్స్ పెరిగాయి.