ఒకరిపై ఒకరు సెటైర్లు.. కె-ర్యాంప్ ఇది

నిర్మాత దర్శకుడిపై సెటైర్ వేస్తాడు.. దర్శకుడొచ్చి ఏకంగా హీరోపై సెటైర్ వేస్తాడు.. హీరో, నిర్మాతపై సెటైర్ వేస్తాడు.. ఇలా ఒకరిపై ఒకరు సెటైర్లు వేసుకుంటూ ఫన్నీగా టైటిల్ ప్రకటన వీడియో విడుదల చేశారు. అదే కె-ర్యాంప్.

కిరణ్ అబ్బవరం హీరోగా కె-ర్యాంప్ సినిమా పూజాకార్యక్రమాలతో లాంచ్ అయింది. పనిలోపనిగా టైటిల్ కూడా రిలీజ్ చేశారు. దిల్ రాజు క్లాప్ తో మొదలైన ఈ సినిమాలో కిరణ్ అబ్బవరం సరసన యుక్తి తరేజా హీరోయిన్ గా నటించబోతోంది.

ఫుల్ లెంగ్త్ కామెడీ ఎంటర్ టైనర్ గా రాబోతున్న ఈ సినిమాకు నాని దర్శకుడు. సామజవరగమన, ఊరు పేరు భైరవకోన లాంటి సినిమాలు తీసిన రాజేష్ దండ, హాస్య మూవీస్ బ్యానర్ పై ఈ కె-ర్యాంప్ ను నిర్మిస్తున్నాడు. చేతన్ భరధ్వాజ్ సంగీత దర్శకుడు.

రీసెంట్ గా ‘క’ సినిమాతో హిట్ కొట్టాడు కిరణ్ అబ్బవరం. అందుకే సెంటిమెంట్ గా, తన కొత్త సినిమాను కూడా ‘కె’ అనే అక్షరంతోనే మొదలయ్యేలా చూసుకున్నాడు. ఈ సినిమా టైటిల్ ను చాన్నాళ్ల కిందటే గ్రేట్ ఆంధ్ర బయటపెట్టిన సంగతి తెలిసిందే.