‘నాట్యం’ ఎంత అందంగా వుందో

నాట్యం అంటే ఓ కథను అందంగా చెప్పడం…ఇదీ నాట్యం సినిమా టీజర్ లో ఓ మాట. టీజర్ అంటే సినిమా మొత్తాన్ని చిటికెలో ప్రేక్షకుడికి హత్తుకునేలా చూపించడం. అదే చేసారు 'నాట్యం' టీమ్ తమ సినిమా టీజర్ లో.

సంధ్యారాజు తనే నటిస్తూ, వివిధ శాఖలు నిర్వహిస్తూ, నిర్మిస్తున్న సినిమా నాట్యం. ఈ సినిమా టీజర్ ను ఎన్టీఆర్ విడుదల చేసారు. సినిమా టీజర్ ఆద్యంతం అందంగా, అదే సమయంలో ఆసక్తిగా వుంది.

నాట్యం మీద, సినిమా మీద సరదాతో సంధ్యారాజు సినిమా నిర్మించి ఆ సరదా తీర్చుకుంటున్నారేమో అనుకునేవారికి టీజర్ గట్టి సమాధానమే చెబుతుంది. సినిమా లో ఆసక్తి కరమైన కథను అందంగా చెప్పారని క్లారిటీ ఇచ్చేస్తుంది. 

సిరిసిరిమువ్వ, సప్తపది, పౌర్ణమి లాంటి సినిమాలు నృత్యం నేపథ్యంలో వచ్చి జనాలను ఆకట్టుకున్నాయి. ఈ సినిమాకు స్క్రిప్ట్, కేమేరా, ఎడిటింగ్, దర్శకత్వం రేవంత్ కోరుకొండ. సంధ్యారాజు, కమల్ కామరాజు, ఆదిత్యమీనన్, శుభలేఖ సుధాకర్ తదితరులు నటించారు.