సమంత అంత కాస్ట్ లీ అయిపోయిందా?

స్టార్ హీరోయిన్లు సినిమాకు 2 కోట్లు తీసుకుంటున్నారు. నయనతార లాంటి హీరోయిన్లు ఒక్కో సినిమాకు 5 కోట్లు తీసుకున్న సందర్భాలూ ఉన్నాయి. మరి సౌత్ లో 10 కోట్లు ఫీజు తీసుకుంటున్న హీరోయిన్ ఎవరో తెలుసా?

అవును.. సౌత్ లో 10 కోట్ల రూపాయల పారితోషికం తీసుకుంటున్న హీరోయిన్ గా సమంత రికార్డ్ సృష్టించిందని అంటోంది బాలీవుడ్ మీడియా. అయితే అది సినిమా కోసం కాదు. ఓ వెబ్ సిరీస్ లో నటించినందుకు సమంత తీసుకున్న మొత్తం ఇది.

సిటాడెల్-హనీ బన్నీ సిరీస్ లో నటించినందుకుగాను సమంత ఏకంగా 10 కోట్ల రూపాయల చెక్ అందుకుందంట. నిజంగా ఇది చాలా పెద్ద మొత్తం. సౌత్ లో ఇప్పటివరకు ఏ హీరోయిన్ టచ్ చేయని మార్క్ ఇది.

ఇలాంటి రెమ్యూనరేషన్ రికార్డులు సమంత ఖాతాలో చాలానే ఉన్నాయి. కెరీర్ స్టార్ట్ చేసిన అతి తక్కువ టైమ్ లోనే కోటి రూపాయల మార్క్ కు చేరుకున్న హీరోయిన్ గా సమంత రికార్డ్ సృష్టించింది. ఆ తర్వాత నిర్మాత బెల్లంకొండ దయతో ఆమె టాలీవుడ్ లోనే అత్యథిక పారితోషికం తీసుకున్న నటిగా అవతరించింది.

అలా టాప్ హీరోయిన్ గా ఎదిగిన క్రమంలో, ఏటా తన ఫీజు పెంచుకుంటూ వెళ్లింది సమంత. ఇప్పుడు ఓటీటీకి కూడా అదే ఫార్ములా పాటించింది. ఫ్యామిలీ మేన్ సీజన్-2 తర్వాత, సిటాడెల్ కోసం ఆమె తన ఫీజును ఏకంగా 10 కోట్ల రూపాయలకు పెంచిందనేది బాలీవుడ్ సమాచారం.

ఈ సిరీస్ కు సంబంధించి టీజర్ ఇప్పటికే విడుదలైంది. అందులో సమంత లుక్స్, యాక్షన్ కు మంచి పేరొచ్చింది. నవంబర్ 7 నుంచి ఇది స్ట్రీమింగ్ అవుతుంది.