దేవరకొండ సరసన మమిత? భాగ్యశ్రీ బోర్సే?

ప్రేమలు హీరోయిన్ మమిత బైజు ఇప్పుడు లేటెస్ట్ సెన్సేషన్. కుర్రకారు గుండెలకు సరికొత్త గేలం. తెలుగులో చకచకా ఆఫర్లు వస్తాయని అంతా అనుకున్నట్లే వుంది ఇప్పుడు పరిస్థితి.

ప్రస్తుతానికి ఓ క్రేజీ ప్రాజెక్ట్ ను పట్టేసింది. గౌతమ్ తిన్ననూరి- విజయ్ దేవరకొండ కాంబినేషన్‌లో సితార సంస్థ నిర్మిస్తున్న సినిమాకు మమితను హీరోయిన్ గా అనుకుంటున్నారు. ఇప్పటికి ఓసారి ప్రైమరీ డిస్కషన్లు జరిగాయి. ఫైనల్ డెసిషన్ పెండింగ్ లో వుంది.

ఇదిలా వుంటే ఇదే సినిమాకు భాగ్యశ్రీ బోర్సె పేరు కూడా పరిశీలిస్తున్నారు. ఈ సినిమాకు ఆరంభంలో శ్రీలీలను అనుకున్నారు. కానీ తరువాత మరెందుకు నిర్ణయం మారింది. కాస్త ఇంటిమసీ సీన్లు వుండడం వల్ల శ్రీలీల స్వచ్ఛందంగానే తప్పుకుందని టాక్ వుంది. ఈ సినిమాను రెండు భాగాల్లో నిర్మిస్తారని, భారీ బడ్జెట్ తో నిర్మాణం జరుపుకుంటుందని తెలుస్తోంది.

జెర్సీ తరువాత మళ్లీ అదే బ్యానర్ లో గౌతమ్ తిన్ననూరి చేస్తున్న సినిమా ఇది. మే లో ప్రారంభవుతుంది.