అబ్బో.. ఏపీలో బీజేపీకి పెద్ద నేతే దొరికారే!

అదిగో వారు వచ్చి చేరుతున్నారు, ఇదిగో వీళ్లూ వచ్చేస్తున్నారు.. బీజేపీ  ఏపీలో అధికారం సంపాదించుకోవడమే తరువాయి… అనేత స్థాయిలో లీకులు ఇస్తూ ఉన్నారు. తీరా ఏపీలో బీజేపీలోకి చేరికల వ్యవహారం మాత్రం చాలా చప్పగా  సాగుతూ ఉంది!

ఎంతలా ఉంటే.. తాజాగా ఒక వీరవనితా నేత బీజేపీలోకి  చేరారట. ఆమె తన పార్టీని  కూడా కమలం పార్టీలోకి విలీనం చేశారట! ఏకంగా ఏపీలో బీజేపీలోకి పార్టీలే విలీనం అయిపోతున్నాయంటే.. అదేదో వ్యవహారం హాట్ గా ఉందని జాతీయ మీడియా హడావుడి చేస్తుంది కాబోలు. అయితే అలా పార్టీని విలీనం చేసింది మరెరవో కాదు.. కొత్తపల్లి గీత! ఆ మాజీ ఎంపీ తన పార్టీని బీజేపీలోకి విలీనం చేశారట!

దీనికి రాంమాధవ్ స్థాయిలో దౌత్యం అట! ఎంత పెద్ద విలీనమో! అని ఆశ్చర్యపోవాలి అంతా. కొత్తపల్లి గీత వంటి నేత తన పార్టీని తెచ్చి బీజేపీలోకి విలీనం చేయడం ద్వారా ఏపీలో బీజేపీ  బలోపేతం కావడం మొదలైనందనమాట. ఇంకేముంది.. ఏకంగా పార్టీలే విలీనం అయిపోతూ ఉన్నట్టున్నాయి. ఏపీలో కమలానికి తిరుగులేదేమో!