ఢిల్లీ నూత‌న సీఎంగా అతిషీ!

ఢిల్లీ నూత‌న సీఎం పీఠంపై ఓ మ‌హిళా ఎమ్మెల్యే ఆసీనులు కానున్నారు. లిక్క‌ర్ స్కామ్‌లో నిర్దోషిగా నిరూపణ అయ్యే వ‌ర‌కూ సీఎంగా బాధ్య‌త‌లు చేప‌ట్ట‌న‌ని కేజ్రీవాల్ ప్ర‌క‌టించిన సంగ‌తి తెలిసిందే. ఈ నేప‌థ్యంలో ఇవాళ త‌న ప‌దవికి కేజ్రీవాల్ రాజీనామా చేయ‌నున్న సంగ‌తి తెలిసిందే. దీంతో ఆప్ సీఎం అభ్య‌ర్థి ఎవ‌ర‌నే విష‌య‌మై పెద్ద ఎత్తున చ‌ర్చ జ‌రుగుతోంది.

ఆప్ సీఎం అభ్య‌ర్థిపై స‌స్పెన్స్‌కు కేజ్రీవాల్ తెర‌దించారు. ఆప్ శాస‌న‌స‌భా ప‌క్ష స‌మావేశంలో కేజ్రీవాల్ మాట్లాడుతూ సీఎం అభ్య‌ర్థిగా అతిషీని ప్ర‌క‌టించారు. ఆమె అభ్య‌ర్థిత్వానికి ఆప్ ఎమ్మెల్యేలంతా మ‌ద్ద‌తు ప‌లికారు.

ఇదిలా వుండ‌గా గ‌తంలో ఢిల్లీ సీఎంగా కాంగ్రెస్ సీనియ‌ర్ నాయ‌కురాలు షీలా దీక్షిత్ సుదీర్ఘ కాలం పాటు ప‌ని చేశారు. అనంత‌రం ఆమె చ‌నిపోయారు. మ‌రోసారి ఢిల్లీ పీఠంపై ఆప్ మ‌హిళా ఎమ్మెల్యే కూచోనుండ‌డం విశేషం.

కేజ్రీవాల్ త‌న స‌తీమ‌ణి సునీత‌ను సీఎం చేస్తార‌ని అంతా అనుకున్నారు. అయితే వంశ‌పారంప‌ర్య పాల‌న‌కు కేజ్రీవాల్ అంగీక‌రించ‌క‌పోవ‌డం అభినందించ‌ద‌గ్గ విష‌యం. లిక్క‌ర్ స్కామ్‌లో కేజ్రీవాల్ తీహార్ జైల్లో ఉన్న‌ప్పుడు పాల‌నను అతిషీ చూసుకున్నారు. సీఎంగా అతిషీ స‌మ‌ర్థ‌వంతంగా ప‌ని చేస్తార‌ని కేజ్రీవాల్ న‌మ్మారు. అందుకే ఆమె వైపు మొగ్గు చూపారు.