పెద్దిరెడ్డిని భ‌య‌పెట్టేందుకేనా?

మాజీ మంత్రి, వైసీపీ సీనియ‌ర్ నేత పెద్దిరెడ్డి రామ‌చంద్రారెడ్డి కుటుంబాన్ని భ‌య‌పెట్టేందుకు కూట‌మి ప్ర‌భుత్వం ప్ర‌య‌త్నిస్తున్న‌ట్టు క‌నిపిస్తోంది. మ‌ద‌న‌ప‌ల్లె స‌బ్‌క‌లెక్ట‌ర్ కార్యాల‌యంలో అగ్ని ప్ర‌మాదం సంభ‌వించ‌డం, ఈ ఘ‌ట‌న‌లో విలువైన ఫైళ్లు కాలి బూడిద‌య్యాయంటూ నానా యాగీ చేశారు. డీజీపీ, సీఐడీ చీఫ్‌ను అత్య‌వ‌స‌రంగా హెలికాప్ట‌ర్‌లో మ‌ద‌న‌ప‌ల్లెకు పంప‌డం తెలిసిందే.

నాటి నుంచి నిత్యం పెద్దిరెడ్డి కుటుంబం రాష్ట్ర వ్యాప్తంగా భూములు కొట్టేసిందంటూ ముఖ్య‌మంత్రి చంద్ర‌బాబు నాయుడు మొద‌లుకుని మంత్రుల వ‌ర‌కూ నిత్యం తీవ్ర ఆరోప‌ణ‌లు చేస్తున్నారు. ప్ర‌భుత్వంలో తామే ఉన్న‌ప్పుడు నిత్యం ఆరోప‌ణ‌ల‌తో కాలాన్ని వృథాగా గ‌డ‌ప‌డం దేనికో ఎవ‌రికీ అంతుచిక్క‌డం లేదు.

ఇవాళ కూడా రెవెన్యూశాఖ మంత్రి అన‌గాని స‌త్య‌ప్ర‌సాద్ మీడియాతో మాట్లాడుతూ మాజీ మంత్రి పెద్దిరెడ్డి రామ‌చంద్రారెడ్డి బాధితులు రాష్ట్ర‌మంతా ఉన్నార‌న్నారు. తప్పు చేసి తప్పించుకోవడం సాధ్యం కాదని ఆయ‌న హెచ్చ‌రించారు. పెద్దిరెడ్డి అనుచరుల ఇళ్లలో భూములకు సంబంధించిన వందల ఫైళ్లు దొరికాయన్నారు. పెద్దిరెడ్డి కుటుంబం వందల ఎకరాల భూకబ్జాలకు పాల్పడినట్లు ఆధారాలున్నాయని ఆయ‌న పేర్కొన్నారు. తిరుపతి, చిత్తూరు, రాజంపేట నియోజకవర్గంలో అధిక సంఖ్యలో బాధితులు ఉన్నారని ఆయ‌న అన్నారు.

పెద్దిరెడ్డి కుటుంబంపై భారీ ఆరోప‌ణ‌లు చేసి, చ‌ర్య‌లు మాత్రం నామ‌మాత్ర‌మైతే అభాసుపాల‌య్యేది తామే అని ప్ర‌భుత్వ పెద్ద‌లు గ్ర‌హిస్తే మంచిది. నిజంగా ప్ర‌భుత్వం ద‌గ్గ‌ర పెద్దిరెడ్డి కుటుంబానికి సంబంధించి దోపిడీపై ఆధారాలుంటే ఈ పాటికి మాజీ మంత్రిని, ఆయ‌న కుమారుడైన రాజంపేట ఎంపీ మిధున్‌రెడ్డిని జైల్లో వేయ‌కుండా వుంటారా? అనేది ప్ర‌శ్న‌. రాజ‌కీయ విమ‌ర్శ‌ల‌కే ప‌రిమిత‌మైతే రానున్న రోజుల్లో న‌ష్ట‌పోయేది కూట‌మే.