సమంత దినచర్య ఇది

హీరోహీరోయిన్ల రోజువారీ దినచర్య ఎలా ఉంటుందనే ఆసక్తి అందర్లో ఉంటుంది. మరీ ముఖ్యంగా స్టార్ హీరోయిన్ల విషయంలో ఈ ఇంట్రెస్ట్ ఇంకాస్త ఎక్కువ. బహుశా అందుకేనేమో.. ప్రస్తుతం తను ఒక రోజంతా ఏం చేస్తుందో వివరంగా చెప్పుకొచ్చింది సమంత.

పొద్దున్నే 6 గంటలకు నిద్రలేస్తుంది. లేలేత ఎండను ఆస్వాదిస్తూ, ఆరుబయట వ్యాయామం, సూర్యనమస్కారం లాంటివి చేస్తుంది. ఆ తర్వాత 10 నిమిషాలు అయిల్ పుల్లింగ్, మరో 10 నిమిషాలు హెయిర్ కేర్ రొటీన్ ఉంటుంది.

7 గంటలకు ఇండోర్ జిమ్ కు చేరుకుంటుంది. గంటపాటు ట్రయినర్ పర్యవేక్షణలో వర్కవుట్స్ చేస్తుంది. ఆ తర్వాత స్నానం చేసి, పూజ చేస్తుంది. ఆ వెంటనే టిఫిన్ చేసి సెట్ కు వెళ్తుంది. ఈ గ్యాప్ లో కారులో కళ్ల సంరక్షణ కోసం మసాజ్ లాంటివి చేస్తుంది.

ఇక మేకప్ వేసుకునే ముందు ముఖానికి ఐస్ థెరపీ చేసుకుంటుంది సమంత. మేకప్ వేసుకున్న తర్వాత ఇక సాయంత్రం వరకు ఆరోజు షూటింగ్ వ్యవహారమే. నిన్నంతా ఆమె ఓ ఫొటోషూట్ లో పాల్గొంది.

సాయంత్రం 6 గంటలకు రెడ్ లైట్ థెరపీ తీసుకుంటుంది. మయొసైటస్ సైడ్ ఎఫెక్టుల నుంచి కోలుకునే క్రమంలో ఈ థెరపీ ప్రారంభించింది సమంత. అదొక గంటసేపు ఉంటుంది. ఆ తర్వాత మరో గంట పాటు పికెల్ బాల్ ప్రాక్టీస్ చేస్తుంది. ఆమె ఈమధ్య పికెల్ బాల్ టోర్నమెంట్ కు బ్రాండ్ అంబాసిడర్ గా మారిన సంగతి తెలిసిందే.

ప్రాక్టీస్ తర్వాత డిన్నర్ చేసి, ఓ అరగంట పాటు ధ్యానం చేసి, రాత్రి 10 గంటలకు నిద్రపోతుంది. ఇలా తన రోజు గడుస్తుందని సవివరంగా వెల్లడించింది సమంత. షూటింగ్, లొకేషన్ మారుతుందేమో కానీ, తన డెయిలీ రొటీన్ మాత్రం మారదని చెబుతోంది.