బోయపాటిపై కోనకు కోపమేలనో?

బోయపాటి లెజెండ్ సినిమా హిట్ సమయంలో అనుకుంటాము..దేవీ దగ్గర నుంచి పిండేసా..లాగేసాఅంటూ స్టేట్ మెంట్ పడేసారు. దానిపై దేవి కాస్త అలిగాడని కూడా వినిపించంది. తనను ఎవరూ పిండక్కరలేదని, తాను ఎపుడూ మంచి మ్యూజిక్కే ఇస్తానని అన్నాడు కూడా. ఆ తరువాత డామేజ్ నివారణకు, బోయపాటి, దేవీ థియేటర్లలో పక్కపక్కన కూర్చుని, సెల్ఫీలు తీసుకుని పోస్టు చేసుకోవాల్సి వచ్చింది.

ఇప్పుడు ఈ పిండేసే వ్యవహారాన్ని దర్శక, రచయిత కోన వెంకట్, తన శంకరాభరణంలోకి తీసుకువచ్చాడు. సినిమాలో డైరక్టర్ వేషం వేసిన, కృష్ణ భగవాన్ చేత, పిండేస్తా..పిండేస్తా అనిపించాడు. మరి ఎప్పటి ఉదంతాన్నో ఇప్పుడు పైకి తీసి, కోన కెలకడం ఎందుకో?