Epaper
పెద్దవాళ్లు ఏ చిన్న అవకాశాన్ని అస్సలు వదులుకోరు. ముఖ్యంగా ఫక్తుగా బిజినెస్ నే తింటూ, బిజినెస్ నే తాగుతూ, బిజినెస్ నే కలవరిస్తూ నిద్రపోయేవాళ్లు అస్సలు వదలుకోరు. థియేటర్లు, సినిమాలు, పంపిణీ, రియల్ ఎస్టేట్ వ్యాపారం చేస్తూ, కోట్లకు కోట్ల టర్నోవర్ కళ్ల చూసే ఏషియన్ సునీల్ లాంటి వారు దోశల బండి వ్యాపారం చేస్తారని ఎవరైనా అనుకుంటారా?
హైదరాబాద్ లో ఎందరో దోశలు ఇడ్లీల బళ్లు పెట్టుకుని బతుకుతున్నారు. వాళ్లంతా పెద్దగా పెట్టుబడి లేనివాళ్లు. కానీ కోట్లు వున్నవాళ్లు దోశల బండి పెడితే.. కాస్త ఇంట్రస్టింగ్ నే కదా? అయితే ఏషియన్ సునీల్ ప్రస్తుతం దోశల వ్యాపారంలోకి దిగుతున్నారు.
రోడ్ సైడ్ దోశల బండి కాన్సెప్ట్ తో చైన్ బళ్ల మాదిరిగా ఓ బిజినెస్ స్టార్ట్ చేస్తున్నారని వినికిడి. ఈ వ్యాపారంలో సీడెడ్ థియేటర్, డిస్ట్రిబ్యూటర్ దిగ్గజం, నిర్మాత ఎన్వీప్రసాద్ కూడా వున్నట్లు తెలుస్తోంది. ప్రస్తుతానికి కొత్తగూడ సర్కిల్ లో ఓ బండి స్టార్ట్ చేసినట్లు, త్వరలో అమీర్ పేట సత్యం థియేటర్ దగ్గర కూడా స్టార్ట్ చేయబోతున్నట్లు తెలుస్తోంది.
ఇది క్లిక్ అయితే చాలాచోట్ల ఈ దోశల బళ్ల వ్యాపారం విస్తారిస్తారన్నమాట. అయితే ఈ విషయం మీద ఇప్పటికి ఇంకా ఏషియన్ సునీల్ అండ్ కో ఏమీ పైకి చెప్పడంలేదు. వ్యాపారం స్టార్ట్ చేసింది మాత్రం పక్కా అని తెలుస్తోంది.