సమంత ప్రాపర్టీ కొంటోందా?

సమంత హైదరాబాద్ లో ప్రాపర్టీ కొనుగోలు చేస్తోందా? నాలుగు కోట్ల విలువైన ఓ ప్రాపర్టీని సమంత కొంటున్నట్లు టాలీవుడ్ లో గుసగుసలు వినిపిస్తున్నాయి. అందరి మాదిరిగా సమంత కూడా ప్రాపర్టీ కొనుగోలు చేయడం అపరాధమో, ఇంకోటో కానే కాదు. కానీ సెలబ్రిటీ కాబట్టి కాస్త ఆసక్తికరం. మాంచి  జోరు మీదున్న సమంత ఆదాయం కూడా బాగానే జోరుగా వుంది. 

రెండు కోట్లు తీసుకుని అల్లుడు శీనుకు వర్క్ చేసినట్లు ఆ మధ్య వార్తలు వచ్చాయి. అంతకు ముందు ఆ సినిమా కోసం నిర్మాత బెల్లంకొండ సురేష్ ఓ ప్రాపర్టీని పారితోషికంగా సమంతకు ఇచ్చినట్లు కూడా వార్తలు వినవచ్చాయి. ఆ తరువాత అవేమీ నిజం కాదని ఖండనలూ వచ్చాయి. ఇప్పుడు తాజగా సమంత మాంచి ప్రాపర్టీ ఒక దానిని నాలుగు కోట్లకు హైదరాబాద్ లో కొనుగోలు చేస్తున్నట్లు వార్తలు వినిపిస్తున్నాయి. వీటిలో నిజమెంతో?