సినిమాలో కథ ఉండదు కానీ చూడండి

సినిమాలో ఈసారి కొత్త పాయింట్ టచ్ చేశామని చెబుతుంటారు మేకర్స్. ఇప్పటివరకు తెలుగులో ఇలాంటి కథ రాలేదని చెప్పే దర్శకులు కూడా చాలామంది ఉన్నారు. అయితే తమ సినిమాలో కథ ఉండదని చెప్పే నిర్మాతను చూశారా? అతడే నాగవంశీ.

మ్యాడ్ సినిమాకు సీక్వెల్ గా మ్యాడ్ స్క్వేర్ తీశాడు ఈ నిర్మాత. ఇందులో కథ ఉండదని ముందే చెప్పేస్తున్నాడు. కథ కోసం తమ సినిమాకు రావొద్దని, నవ్వుకోడానికి మాత్రమే రావాలని అంటున్నాడు.

“ఈసారి కూడా కథ ఉండదు. ఏదో ఊహించుకొని రాయొద్దు. 2 గంటలు నవ్వుకోవడానికి మాత్రమే రండి. ఇంజనీరింగ్ చేసి, దానికి సంబంధించిన ఉద్యోగం చేయకూడదనుకున్న ముగ్గురు వెధవలు, ఓ మంచోడ్ని వెధవను చేసిన కథ ఇది. హైదరాబాద్ లో చేయాల్సిన అరాచకాలన్నీ అయిపోయాయని కథను గోవాకు షిఫ్ట్ చేశాం. అంతా ఫన్. మరోసారి క్లియర్ గా చెబుతున్నాను. ఈ సినిమాలో లాజిక్కులు వెతక్కండి. కథలో ఇది మిస్సయింది, అది మిస్సయిందని దర్శకుడ్ని, నిర్మాతను విమర్శించకండి. మేమే చెబుతున్నాం మా సినిమాలో కథ లేదు.”

మ్యాడ్ స్క్వేర్ సినిమాకు నాగవంశీ ఇచ్చిన ఎలివేషన్ ఇది. గతంలో చెప్పినట్టుగానే ఈసారి కూడా సినిమా చూసి నవ్వుకోకపోతే టికెట్ డబ్బులు వెనక్కిస్తానంటున్నాడు ఈ నిర్మాత. మార్చి 29న థియేటర్లలోకి వస్తోంది మ్యాడ్ స్క్వేర్.